വാര്‍ത്തയ്‌ക്കെതിരെ അമിത് ഷായുടെ മകന്‍ 100 കോടി രൂപയ്‌ക്ക് മാനനഷ്‌ടക്കേസ് നല്‍കി

കമ്പനിക്കെതിരായ വാർത്ത നൽകിയ മാധ്യമസ്ഥാപനത്തിനെതിരെ ബിജെപി ദേശീയ അധ്യക്ഷൻ അമിത് ഷായുടെ മകന്‍ ജെയ് ഷാ 100കോടി രൂപയ്ക്കു മാനനഷ്ടക്കേസ് നല്‍കി.

വാര്‍ത്ത പ്രസിദ്ധീകരിച്ച ഓ​ണ്‍​ലൈ​ൻ മാ​ധ്യ​മ​മാ​യ ദ വയറിലെ എഡിറ്ററടക്കം ഏഴ് പേർക്കെതിരെ അഹമ്മദാബാദ് മെട്രോപൊളിറ്റൻ കോടതിയിലാണ് ജയ് ഷാ പരാതി നൽകിയത്. അ​ഹ​മ്മ​ദാ​ബാ​ദ് മെ​ട്രോ​പ്പോ​ളി​റ്റ​ൻ കോ​ട​തി ബു​ധ​നാ​ഴ്ച കേ​സ് പ​രി​ഗ​ണി​ക്കും.

പുറത്തുവന്ന റിപ്പോർട്ട് അടിസ്ഥാന രഹിതമാണെന്നും വസ്തുതകൾക്ക് നിരക്കാത്തതാണെന്നും ജെയ് ഷാ പരാതിയിൽ ആരോപിച്ചു. അതേസമയം, നൽകിയ വാർത്തയിൽ ഇപ്പോഴും ഉറച്ചു നിൽക്കുന്നുവെന്നാണ് ഓൺലൈൻ മാധ്യമം വ്യക്തമാക്കി.

നരേന്ദ്ര മോദിയുടെ കീഴില്‍ ബി​ജെ​പി സ​ർ​ക്കാ​ർ അ​ധി​കാ​ര​മേ​റ്റ​തി​നു​ശേ​ഷം ജെയ് ഷാ ഡയറക്ടറായ ടെമ്പിള്‍ എന്റര്‍പ്രൈസസ് പ്രൈവറ്റ് ലിമിറ്റഡ് എന്ന കമ്പനിയുടെ മൊത്തം വിറ്റുവരവില്‍ 16,000 ഇരട്ടി വര്‍ദ്ധനയുണ്ടായെന്നാണ് ദി ​വ​യ​ർ റി​പ്പോ​ർ​ട്ട് ചെ​യ്ത​ത്. രോഹിണി സിംഗ് എന്ന മാധ്യമപ്രവര്‍ത്തകയാണ് വാര്‍ത്ത പുറത്ത് കൊണ്ടു വന്നത്.

2014-15 സാമ്പത്തിക വർഷത്തിൽ ജെയ് ഷായുടെ കമ്പനിയുടെ വരുമാനം വെറും 50,000 രൂപ മാത്രമായിരുന്നെന്നും 2015-16 സാമ്പത്തിക വർഷത്തിൽ ഇത് 80.5 കോടി രൂപയായി ഉയർന്നുവെന്നുമായിരുന്നു റിപ്പോർട്ട്. ക​മ്പ​നി ര​ജി​സ്ട്രാ​ർ ഓ​ഫീ​സി​ൽ​ നി​ന്നു ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​യി​രു​ന്നു വാ​ർ​ത്ത പുറത്തുവന്നത്.