നടിയും എംപിയുമായ സുമലത ബിജെപിയിൽ ചേർന്നേക്കും

നടിയും എംപിയുമായ സുമലത അംബരീഷ് ബിജെപിയിൽ ചേർന്നേക്കും. മാണ്ഡ്യ ലോക്‌സഭയല്‍ നിന്നുള്ള സ്വതന്ത്ര എംപിയാണ് നിലവില്‍ സുമലത. അന്തരിച്ച പ്രമുഖ നടനും കോണ്‍ഗ്രസ് നേതാവുമായിരുന്ന ഭര്‍ത്താവ് അംബരീഷായിരുന്നു മാണ്ഡ്യയിലെ എംപി.

2019-ലെ ലോക്‌സഭാ തിരഞ്ഞെടുപ്പില്‍ മാണ്ഡ്യ സീറ്റ് കോണ്‍ഗ്രസ് ജെഡിഎസിന് വിട്ടുനൽകിയിരുന്നു. ഭർത്താവ് മത്സരിച്ചിരുന്ന  മാണ്ഡ്യയിൽ സീറ്റ് നിഷേധിച്ചതിനെ തുടർന്ന് സുമലത ഇവിടെ സ്വതന്ത്രയായി മത്സരിക്കുകയായിരുന്നു.ബിജെപി അവര്‍ക്ക് പിന്തുണ പ്രഖ്യാപിക്കുകയും ചെയ്തിരുന്നു.കോണ്‍ഗ്രസ്-ജെഡിഎസ് സഖ്യത്തില്‍ മത്സരിച്ച തിരഞ്ഞെടുപ്പില്‍ എച്ച്.ഡി.കുമാരസ്വാമിയുടെ മകന്‍ നിഖില്‍ കുമാരസ്വാമിയെയാണ് സുമലത പരാജയപ്പെടുത്തിയത്.