ഡിവൈഎഫ്ഐ അഖിലേന്ത്യ സെക്രട്ടറിയും എംപിയുമായ എഎ റഹീമിനെതിരെ അറസ്റ്റ് വാറന്റ്. തടങ്കലില്‍വെച്ച് ഭീഷണിപ്പെടുത്തിയെന്ന കേരള സര്‍വകലാശാല സ്റ്റുഡന്റ്‌സ് സര്‍വീസ് മേധാവി പ്രൊഫ. വിജയലക്ഷ്മിയുടെ പരാതിയിലാണ് അറസ്റ്റ് വാറന്റ്.
തിരുവനന്തപുരം ഫസ്റ്റ് ക്ലാസ് മജിസ്‌ട്രേറ്റ് കോടതി-3 ആണ് റഹീമിന് അറസ്റ്റ് വാറന്റ് പുറപ്പെടുവിച്ചത്. ഹാജരാവുന്നതിനായി നിരവധി തവണ സമൻസ് അയച്ചിട്ടും കോടതിയിൽ എത്താ‌ത്തതിനാണ് നടപടി. പോലീസ് സ്റ്റേഷനിലെത്തി ജാമ്യം എടുക്കാവുന്ന തരത്തിലുള്ള വാറന്റാണ് ഇപ്പോള്‍ പുറപ്പെടുവിച്ചിരിക്കുന്നത്.
