Select Your Language

Notifications

webdunia
webdunia
webdunia
webdunia

വിലാപയാത്ര ആരംഭിച്ചു; കലൈഞ്ജറെ ഒരുനോക്ക് കാണാന്‍ ആയിരങ്ങള്‍ - നിയന്ത്രിക്കാന്‍ പാടുപെട്ട് പൊലീസ്

വിലാപയാത്ര ആരംഭിച്ചു; കലൈഞ്ജറെ ഒരുനോക്ക് കാണാന്‍ ആയിരങ്ങള്‍ - നിയന്ത്രിക്കാന്‍ പാടുപെട്ട് പൊലീസ്

വിലാപയാത്ര ആരംഭിച്ചു; കലൈഞ്ജറെ ഒരുനോക്ക് കാണാന്‍ ആയിരങ്ങള്‍ - നിയന്ത്രിക്കാന്‍ പാടുപെട്ട് പൊലീസ്
ചെന്നൈ , ബുധന്‍, 8 ഓഗസ്റ്റ് 2018 (16:09 IST)
ഡിഎംകെ നേതാവും മുന്‍മുഖ്യമന്ത്രിയുമായ എം കരുണാനിധിയുടെ മൃതദേഹവും വഹിച്ചു കൊണ്ടുള്ള വിലാപയാത്ര ചെന്നൈ മറീന ബീച്ചിലേക്ക് ആരംഭിച്ചു. പൊതു ദര്‍ശനത്തിന് ശേഷം 3.50തോടെയാണ് രാജാജി ഹാളില്‍ നിന്നും കലൈഞ്ജറുടെ മൃതദേഹം എടുത്തത്.

പ്രവര്‍ത്തകരും നേതാക്കളുമായി ആയിരക്കണക്കിനാളുകളാണ് രാജാജി ഹാളിന് പുറത്തായി തടിച്ചു കൂടിയിരിക്കുന്നത്. വിലാപയാത്ര കടന്നു പോകുന്ന റോഡുകളില്‍ നൂറ് കണക്കിനാളുകളാണ് പ്രിയനേതാവിന് വിട ചൊല്ലാന്‍ കാത്തു നില്‍ക്കുന്നത്.

നാല് മണിക്കാണ് സംസ്‌കാര ചടങ്ങുകള്‍ ആരംഭിക്കുകയെന്ന് അറിയിച്ചിരുന്നുവെങ്കിലും പ്രവര്‍ത്തകരുടെ തിരക്ക് മൂലം വൈകുകയായിരുന്നു. മറീന ബീച്ചിൽ അണ്ണാദുരൈ സ്മാരകത്തിനു സമീപത്തായിട്ടാണ് കരുണാനിധിക്ക് അന്ത്യവിശ്രമം അനുവദിക്കുക.

അതിശക്തമായ സുരക്ഷയാണ് പൊലീസ് ഒരുക്കിയിരിക്കുന്നതെങ്കിലും ജനങ്ങളുടെ വികാര പ്രകടനങ്ങളാണ് ഉദ്യോഗസ്ഥരെ ആശങ്കപ്പെടുത്തുന്നത്. വിലാപ യാത്ര കടന്നു പോകുന്ന റോഡുകളില്‍ ഡി എം കെ പ്രവര്‍ത്തകര്‍ തടിച്ചു കൂടിയിട്ടുണ്ട്. സംഘർഷ പശ്ചാത്തലത്തിൽ വൻ സുരക്ഷാ ക്രമീകരണങ്ങളാണ് പൊലീസ് ഒരുക്കിയിട്ടുള്ളത്.

Share this Story:

Follow Webdunia malayalam

അടുത്ത ലേഖനം

ഒരൊന്നൊന്നര ട്വീറ്റ്: ഇലോൺ മസ്ക് വാരിയത് 6177.15 കോടി !