കാശ്മീര്‍ അതിര്‍ത്തിയില്‍ നിന്ന് പിടികൂടിയ പാക് തീവ്രവാദിക്ക് രക്തം നല്‍കി ജീവന്‍ രക്ഷിച്ച് ഇന്ത്യന്‍ സൈനികര്‍

കാശ്മീര്‍ അതിര്‍ത്തിയില്‍ നിന്ന് സൈന്യം പിടികൂടിയ പാക് തീവ്രവാദിക്ക് രക്തം നല്‍കി ജീവന്‍ രക്ഷിച്ച് ഇന്ത്യന്‍ സൈനികര്‍. തബറാഖ് ഹുസൈന്‍ എന്ന തീവ്രവാദിയെയാണ് സൈന്യം പിടികൂടിയത്. ഇയാള്‍ നിലവില്‍ സൈന്യത്തിന്റെ ചികിത്സാ കേന്ദ്രത്തിലാണ് ഉള്ളത്. ഇന്ത്യന്‍ സേനയുമായുള്ള ഏറ്റുമുട്ടലില്‍ ഇയാള്‍ക്ക് പരിക്കേറ്റിട്ടുണ്ടായിരുന്നു. 

പാക്കധീന കാശ്മീരിലെ സ്വദേശിയാണ് ഇയാള്‍. സൈന്യത്തിലെ കേണല്‍ യൂനസ് ചൗധരിയുടെ നിര്‍ദ്ദേശപ്രകാരമാണ് താനും നാലുപേരും നിയന്ത്രണ രേഖയില്‍ എത്തിയതെന്നാണ് ഇയാള്‍ വെളിപ്പെടുത്തിയിട്ടുള്ളത്. കൂടാതെ നിയന്ത്രണ രേഖ കടന്നു സൈനികരെ ആക്രമിക്കണമെന്ന് ആവശ്യപ്പെട്ട് തങ്ങള്‍ക്ക് പാക് സൈന്യം പണം തന്നിരുന്നുവെന്നും ഹുസൈന്‍ വെളിപ്പെടുത്തിയിട്ടുണ്ട്.