സംസ്ഥാനത്ത് ജില്ലയ്ക്കകത്ത് സര്‍വീസ് നടത്തുന്ന ബസുകളില്‍ എല്ലാസീറ്റിലും ഇരിക്കാമെന്ന് മുഖ്യമന്ത്രി അറിയിച്ചു. ഇതോടെ വര്‍ധിച്ച ബസ് ചാര്‍ജ് പിന്‍വലിക്കുകയും ചെയ്യും. സംസ്ഥാനത്ത് ഗതാഗതം സാധാരണ നിലയില്‍ എത്തുന്നതിന് മുന്നോടിയായാണ് തീരുമാനം.
അതേസമയം അന്തര്‍ജില്ലാ ബസ് സര്‍വീസുകള്‍ നാളെമുതല്‍ ആരംഭിക്കുമെന്നും അറിയിച്ചിട്ടുണ്ട്. തൊട്ടടുത്ത ജില്ലകളിലേക്ക് മാത്രമായിരിക്കും സര്‍വീസ്. എന്നാല്‍ കണ്ടയ്ന്‍മെന്റ് സോണുകളിലും ഹോട്ട്‌സ്‌പോട്ടുകളിലും സര്‍വീസ് ഉണ്ടായിരിക്കുകയില്ല. രാവിലെ അഞ്ചുമുതല്‍ രാത്രി ഒന്‍പതുമണിവരെയായിരിക്കും സര്‍വീസ് ഉണ്ടാകുക.
