പിഞ്ചു കുഞ്ഞിനെ അമ്മയുടെ കയ്യിൽ നിന്നും പുലി കടിച്ചു കൊണ്ടുപോയി

ബൈക്കിൽ സഞ്ചരിച്ചുകൊണ്ടിരിക്കെ അമ്മയുടെ കയ്യിൽ നിന്നും നാലുമാസം മാത്രം പ്രായമായ ആയുഷ് എന്ന പിഞ്ചു കുഞ്ഞിനെ പുലി കടിച്ചു കൊണ്ടുപോയി. വഡോദരയില്‍ നിന്നും 100 കിലോമീറ്റര്‍ അകലെയുള്ള ഛോടാത്പൂര്‍ ജില്ലയിലാണ് സംഭവം ഉണ്ടായത്. വിക്രം റത്വ, ഭാര്യ സപ്ന എന്നിവരാണ് പുലിയുടെ ആക്രമണത്തിനിരയായത്.

ഓടിക്കൊണ്ടിരിക്കുന്ന ബൈക്കിലേക്ക് പുലി ചാടി വീഴുകയയിരുന്നു. കുഞ്ഞിന്റെ അമ്മ സപ്നയുടെ നേരെയായിരുന്നു ആദ്യ അക്രമണം. ബൈക്ക് നിയന്ത്രണം വിട്ട് വീണതോടെ പുലി കുട്ടിയെ കടിച്ചുകൊണ്ടുപോവുകയായിരുന്നു. ഉടൻ തന്നെ ഓടി കൂടിയ നാട്ടുകാർ പുലിയെ ഭയപ്പെടുത്തി കുഞ്ഞിനെ മോചിപ്പിച്ചു. 

പുലിയുടെ ആക്രമണത്തിൽ പരിക്കേറ്റ സപ്നയെയും ആയുഷിനെയും വഡോതര സർക്കാർ ആശുപത്രിയിൽ പ്രവേശിപ്പിച്ചു. കുഞ്ഞിന്റെ കാലിലാണ് പരിക്കേറ്റിരിക്കുന്നത്. സപ്നയുടെ കയ്യിൽ പുലി കടിച്ച് മുറിവേൽപ്പിച്ചിട്ടുണ്ട്.