ചെന്നൈ: തമിഴ്നാട്ടിലെ നെയ്‌വേലി ലിഗ്നൈറ്റ് കോര്‍പ്പറേഷന്റെ പവർ പ്ലാന്റിൽ നടന്ന പൊട്ടിത്തെറിയില്‍ അഞ്ചുപേര്‍ മരിച്ചു. 17 പേര്‍ക്ക് പരിക്കേറ്റതായാണ് റിപ്പോര്‍ട്ട്. കടലൂര്‍ ജില്ലയില്‍ പ്രവര്‍ത്തിക്കുന്ന ലിഗ്നൈറ്റ് പ്ലാന്റിലാണ് പൊട്ടിത്തെറി ഉണ്ടായത്. രണ്ടാമത്തെ ഖനി സൈറ്റിലെ ബോയിലറിൽ പൊട്ടിത്തെറി ഉണ്ടാവുകയായിരുന്നു.
പരിക്കേറ്റവരെ നെയ്‌വേലി ലിഗ്നൈറ്റ് കോര്‍പ്പറേഷന്റെ ആശുപത്രിയില്‍ പ്രവേശിപ്പിച്ചിരിയ്ക്കുകയാണ്. മെയ് മാസത്തിലും പ്ലാന്റിൽ സമാനമായ പൊട്ടിത്തെറി ഉണ്ടയിരുന്നു. അന്ന് എട്ട് ജീവനക്കാർക്കാണ് അപകടത്തിൽ പരിക്കേറ്റത്.
