പ്രതിഷേധിച്ചാൽ നടപടി,വിദ്യാർത്ഥികൾക്ക് മദ്രാസ് ഐഐടിയുടെ ഭീഷണി

പൗരത്വഭേദഗതി നിയമത്തിനെതിരായി പ്രതിഷേധങ്ങളിൽ പങ്കെടുക്കുന്ന വിദ്യാർത്ഥികൾക്കെതിരെ നടപടി എടുക്കുമെന്ന് മദ്രാസ് ഐ ഐ ടി. ക്യാമ്പസിന് പുറത്ത് പ്രതിഷേധിക്കുന്ന വിദ്യാർത്ഥികളെ നിരീക്ഷിക്കുന്നുണ്ടെന്നും ഇവർക്കെതിരെ കർശന നടപടികൾ ഉണ്ടാകുമെന്നും ഐഐടി ഡീൻ വിദ്യാർത്ഥികൾക്ക് താക്കീത് നൽകിയിട്ടുണ്ട്, ഇ മെയിൽ വഴിയാണ് താക്കീത്.

പ്രകടനങ്ങൾ ഐഐടി പാരമ്പര്യമല്ലെന്നാണ് ഐഐടി അധിക്രുതർ പറയുന്നത്. ചർച്ചകൾ മാത്രമേ ഐ ഐ ടിയിൽ പാടുള്ളതുള്ളു. മുദ്രാവാക്യങ്ങളും പ്രകടനങ്ങളും നടത്തുന്ന പാരമ്പര്യം ഐ ഐ ടിക്കില്ലെന്നും അധിക്രുതർ പറയുന്നു. എന്നാൽ വിലക്കേർപ്പെടുത്തിയ നടപടിക്കെതിരെ വിദ്യാർത്ഥികൾ രംഗത്തെത്തി. ഐ ഐ ടി നടപടി മൗലികാവകാശങ്ങളുടെ ലംഘനമാണെന്നും പ്രക്ഷോഭങ്ങൾ തുടരുമെന്നും വിദ്യാർത്ഥികൾ വ്യക്തമാക്കി.

 അതേ സമയം പൗരത്വ ഭേദഗതി നിയമത്തിൽ പ്രതിഷേധിച്ച് പോണ്ടിച്ചേരി സർവകലാശാലയിൽ രാഷ്ട്രപതി റാം നാഥ് കോവിന്ദ് പങ്കെടുക്കുന്ന പരിപാടി ബഹിഷ്കരിക്കാൻ സ്റ്റുഡന്റ്സ് കൗൺസിൽ ആഹ്വാനം ചെയ്തിട്ടുണ്ട്. റാങ്ക് ജേതാക്കൾ അടക്കമുള്ളവർ ബിരുദ ദാനചടങ്ങ് ബഹിഷ്കരിക്കുമെന്ന് അറിയിച്ചിട്ടുണ്ട്.