ശശി തരൂര്‍ എംപിയുടെ പരിഹാസത്തിന് മറുപടിയുമായി ലോകസുന്ദരി മാനുഷി ഛില്ലര്‍ രംഗത്ത്. ലോകം ജയിച്ച ഒരു പെണ്‍കുട്ടിക്ക്, പൊള്ളയായ ചെറിയ പരാമര്‍ശത്തിന്റെ പേരില്‍ വിഷമിക്കേണ്ട ആവശ്യമില്ലെന്ന് ടൈംസ് ഓഫ് ഇന്ത്യ എംഡി വിനീത് ജെയ്‌ന്റെ ട്വീറ്റ് ഷെയര്‍ ചെയ്തു കൊണ്ട് മാനുഷി ട്വീറ്റ് ചെയ്തു.
“ഇന്ത്യയിൽ കറൻസി നിരോധിച്ചത് എന്ത് അബദ്ധമായി. ഇന്ത്യൻ പണം ലോകത്തെ കീഴടക്കിയെന്നു ബിജെപി മനസ്സിലാക്കണമായിരുന്നു. നോക്കൂ, നമ്മുടെ ‘ചില്ലർ’ (ചില്ലറ) പോലും ലോകസുന്ദരിയായിരിക്കുന്നു”- എന്നായിരുന്നു തരൂരിന്റെ ട്വീറ്റ്.
കേന്ദ്ര സർക്കാരിന്റെ നോട്ട് അസാധുവാക്കൽ വിഷയത്തെ മാനുഷിയുടെ നേട്ടവുമായി ബന്ധിപ്പിച്ച് കൊണ്ട് തരൂർ ഇട്ട ട്വീറ്റ് വൻ പ്രതിഷേധത്തിനു കാരണമായി. പിന്നാലെ, വിഷയത്തിൽ വനിതാ കമ്മിഷൻ ഇടപെട്ടു. തരൂരിനെ വിളിച്ചുവരുത്തി വിശദീകരണം തേടുമെന്ന നിലപാടിലാണ് കമ്മിഷൻ. ലോകസുന്ദരി മൽസരത്തിൽ അമ്മയെക്കുറിച്ചുള്ള മാനുഷിയുടെ മറുപടിയെ തരൂർ മറ്റൊറു ട്വീറ്റിൽ അഭിനന്ദിച്ചിരുന്നു.