ഒമ്പതാം ക്ലാസ് വിദ്യാര്‍ഥിക്ക് കുത്തേറ്റു മരിച്ചു. വടക്കുകിഴക്കൻ ഡൽഹിയിലെ ഗൗതംപൂരിയിലെ മുഹമ്മദ് സുൽത്താൻ എന്ന പതിനാറുകാരനാണ് മരിച്ചത്. അക്രമികളിൽ ഒരാൾ പൊലീസ് പിടിയിലായിട്ടുണ്ട്.
ബുധനാഴ്ച വൈകുന്നേരമാണ് നാടിനെ നടുക്കിയ സംഭവമുണ്ടായത . ക്ലാസ് കഴിഞ്ഞ് സ്‌കൂളില്‍ നിന്നും മടങ്ങി വരുകയായിരുന്ന സുൽത്താനെ ഏഴംഗസംഘം ആക്രമിക്കുകയായിരുന്നു.
മര്‍ദ്ദനത്തിനിടെ അക്രമികള്‍ വിദ്യാര്‍ഥിയെ കുത്തി പരുക്കേല്‍പ്പിച്ചു. സമീപവാസികള്‍ സുൽത്താനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ പൊലീസ് അന്വേഷണം ശക്തമാക്കി. കൊലപാതക കാരണം എന്താണെന്ന് വ്യക്തമായിട്ടില്ല.