പെട്രോള്‍ ഉടന്‍ ജിഎസ്ടിയില്‍ ഉള്‍പ്പെടില്ലെന്നും എന്നാല്‍ ഇതിനൊരു സമയ പരിധിയെങ്കിലും തീരുമാനിക്കുമെന്ന് കേന്ദ്രം വ്യക്തമാക്കി. 45മത് ജിഎസ്ടി കൗണ്‍സില്‍ യോഗം ഇന്ന് ലഖ്‌നൗവില്‍ ചേരുകയാണ്. ഇക്കാര്യം ഇന്ന് ചര്‍ച്ചചെയ്യും. സംസ്ഥാനങ്ങളുടെ പ്രധാന വരുമാനമായതിനാല്‍ പല സംസ്ഥാനങ്ങളും ഇതിന് എതിരാണ്.
ജിഎസ്ടി സംവിധാനത്തില്‍ വരുത്തുന്ന മാറ്റത്തിന് പാനലിലുള്ള നാലില്‍ മൂന്ന് അംഗങ്ങളുടെ അനുമതി വേണം. അതേസമയം ഇന്ന് പ്രധാനമന്ത്രിയുടെ പിറന്നാല്‍ കൂടിയായതിനാല്‍ വലിയ പ്രഖ്യാപനങ്ങള്‍ ഉണ്ടായേക്കുമെന്നാണ് പ്രതീക്ഷിക്കുന്നത്.
