ഹൈക്കോടതിയുടെ വിമർശനം: ഹർജി നൽകിയത് അബദ്ധമായിപ്പോയെന്ന് രജനീകാന്ത്

വസ്‌തു നികുതിയുമായി ബന്ധപ്പെട്ട് ഹൈക്കോടതിയെ സമീപിച്ചത് അബദ്ധമായിരുന്നുവെന്ന് നടൻ രജനീകാന്ത്.തന്റെ ഉടമസ്ഥതിയിലുള്ള കല്യാണമണ്ഡപത്തിന് നികുതി ഇളവ് നല്‍കണമെന്നാവശ്യപ്പെട്ട് സമര്‍പ്പിച്ച ഹര്‍ജി പിൻവലിക്കേണ്ടിവന്ന സാഹചര്യത്തിലാണ് അദ്ദേഹത്തിന്റെ പ്രതികരണം. ഈ അനുഭവം വലിയ പാഠമാണെന്നും രജനി ഫേസ്‌ബുക്കിൽ കുറിച്ചു.

രജനീകാന്തിന്റെ പേരിലുള്ള കല്യാണമണ്ഡപത്തിന്  6.5 ലക്ഷം രൂപ നികുതി പിഴയായി അടയ്ക്കണമെന്ന ചെന്നൈ മുനിസിപ്പൽ കോർപ്പറേഷന്റെ ആവശ്യത്തിനെതിരെയാണ് രജനീകാന്ത് ഹൈക്കോടതിയെ സമീപിച്ചത്.