രാഷ്‌ട്രീയം ബിജെപിക്ക് ഒപ്പമോ ?; അഭ്യൂഹങ്ങള്‍ക്ക് വിരാമാമിട്ട് രജനികാന്ത്
രാഷ്‌ട്രീയം ബിജെപിക്ക് ഒപ്പമോ ?; അഭ്യൂഹങ്ങള്‍ക്ക് വിരാമാമിട്ട് രജനികാന്ത്
തന്റെ രാഷ്‌ട്രീയ പ്രവേശനത്തിന് പിന്നില്‍ ബിജെപി അല്ലെന്ന് സൂപ്പർതാരം രജനികാന്തിന്റെ തുറന്നുപറച്ചില്‍. തനിക്ക് പിന്നിലുള്ളത് ദൈവവും തമിഴ് മക്കളുമാണെന്നാണ് അദ്ദേഹം മാധ്യമങ്ങളോട് വ്യക്തമാക്കിയിരിക്കുന്നത്.
“ബിജെപിയാണ് തന്റെ രാഷ്‌ട്രീയ പ്രവേശനത്തിന് പിന്നിലെന്ന നിരവധി വാര്‍ത്തകള്‍ പുറത്തു വരുന്നുണ്ട്. എനിക്ക് പിന്നിലുള്ളത് ദൈവം മാത്രമാണ്, അതിനു പിന്നിലായി തമിഴ് ജനതയുമാണുള്ളത്. ഈ ചോദ്യം എനിക്കു നേരെ എപ്പോഴൊക്കെ ഉണ്ടാകുന്നോ അപ്പോഴെല്ലാം ഇതു തന്നെയുയാകും എന്റെ മറുപടി”- എന്നാണ് രജനീകാന്ത് പറഞ്ഞത്.
പെരിയാറിന്റെ പ്രതിമ തകർത്ത സംഭവം കാടത്തമാണ്. ജനങ്ങള്‍ ഈ ആക്രമം പൊറുക്കില്ലെന്നും സ്‌റ്റൈല്‍ മന്നന്‍ പറഞ്ഞു.
മതനിരപേക്ഷ സംസ്ഥാനമായ തമിഴ്‌നാട്ടില്‍ സാമുദായിക ലഹളകളൊന്നും സംഭവിക്കില്ല. സംസ്ഥാനത്തെ കാത്തു സൂക്ഷിക്കാന്‍ പൊലീസിന് സാധിക്കുമെന്നാണ് തന്റെ വിശ്വാസമെന്നും തമിഴ്നാട്ടിൽ വിശ്വഹിന്ദു പരിഷത്ത് (വിഎച്ച്പി) നടത്തുന്ന രഥയാത്രയെ തള്ളിപ്പറഞ്ഞു കൊണ്ട് രജനി വ്യക്തമാക്കി.
