അയോധ്യയിലെ രാമക്ഷേത്രനിർമാണത്തിന് 2100 കോടി രൂപ സംഭാവനയായി ലഭിച്ചതായി രാമജന്‍മഭൂമി തീര്‍ഥ് ക്ഷേത്ര ട്രസ്റ്റ്. ക്ഷേത്രനിർമാണത്തിനായി 44 ദിവസം നീണ്ടുനിന്ന ധനസമാഹരണം അവസാനിച്ചതായും ട്രസ്റ്റ് വ്യക്തമാക്കി.
ഏകദേശം 1,100 കോടി രൂപയാണ് രാമക്ഷേത്ര നിര്‍മാണത്തിനായി ക്ഷേത്ര ടെസ്റ്റ് കണക്കാക്കിയിരുന്നത്. എന്നാൽ ഇതിന്റെ ഇരട്ടിയോളം രൂപ സംഘടിപ്പിക്കാനായി.ശനിയാഴ്ച വൈകീട്ടോടെ ആകെ സംഭാവന 2,100 കോടി രൂപ കടന്നു. അധികമായി ലഭിച്ച പണം സീതയുടെ പേരില്‍ ഒരു സംസ്‌കൃത സര്‍വകലാശാല സ്ഥാപിക്കാനും ക്ഷേത്ര നഗരിയില്‍ സൗജന്യമായി പാല്‍ വിതരണത്തിനായി ഒരു ഗോശാല നിര്‍മിക്കാനും ഉപയോഗിക്കണമെന്നും സ്വാമി പരമന്‍സ് ആചാര്യ പറഞ്ഞു.
