കുഞ്ഞുങ്ങളെ ലൈംഗികമായി പീഡിപ്പിച്ചു, വിവരം പുറത്തു പറയാതിരിക്കാന്‍ അഞ്ച് രൂപ വീതം നല്‍കി; ഒടുവില്‍ അറുപതുകാരന്‍ അറസ്റ്റിലായത് ഇങ്ങനെ !

പ്രായപൂര്‍ത്തിയാകാത്ത കുഞ്ഞുങ്ങളെ ലൈംഗികമായി പീഡിപ്പിച്ച അറുപതുകാരന്‍ അറസ്റ്റില്‍ : വിവരം പുറത്തു പറയാതിരിക്കാന്‍ കുട്ടികള്‍ക്ക് അഞ്ച് രൂപ നല്‍കി

പ്രായപൂര്‍ത്തിയാകാത്ത കുഞ്ഞുങ്ങളെ ലൈംഗികമായി പീഡിപ്പിച്ച അറുപതുകാരന്‍ പൊലീസ് പിടിയില്‍. നാടിനെ മൊത്തം നടുക്കിയ ഈ സംഭവം നടന്നത് ദക്ഷിണ ഡല്‍ഹിയിലാണ്. വീട്ടില്‍ കളിച്ചുകൊണ്ടിരുന്ന കുട്ടികള്‍ക്ക് മിഠായി വാങ്ങാന്‍ പണം തരാമെന്നു പറഞ്ഞ് ഇയാള്‍ വീട്ടിനുള്ളിലേക്ക് കൂട്ടികൊണ്ടുപോയി പീഡിപ്പിക്കുകയായിരുന്നു.

പീഡനശേഷം സംഭവം പുറത്തുപറയരുതെന്ന് പറഞ്ഞ് ഇയാള്‍ കുട്ടികള്‍ക്ക് അഞ്ചു രൂപ വീതം നല്‍കിയതായി പൊലീസ് പറഞ്ഞു. എന്നാല്‍ ശാരീരികാസ്വാസ്ഥ്യത്തെത്തുടര്‍ന്ന് കുട്ടികള്‍ കരഞ്ഞതോടെയാണ് പീഡനവിവരം പുറത്തായത്. തുടര്‍ന്ന് വൈദ്യ പരിശോധനക്ക് വിധേയമാക്കി. ശരീരത്തില്‍ ഗുരുതരമായ പരിക്കുകളുണ്ടെന്നാണ് ഡോക്ടര്‍മാര്‍ പറയുന്നത്.