230 ട്രെയിനുകളിലെ എല്ലാ ക്ലാസുകളിലേക്കും ടിക്കറ്റ് ബുക്കിങ് ആരംഭിച്ചതായി റെയിൽവേ

രാജ്യത്തിന്റെ വിവിധ ഭാഗങ്ങളിലേക്ക് സർവീസ് നടത്തുന്ന 230 ട്രെയിനുകളിലേക്കുള്ള എല്ലാ ക്ലാസ്സുകളിലേക്കും ബുക്കിങ് ആരംഭിച്ചതായി റെയില്‍വേ അറിയിച്ചു. പൊതുജനങ്ങള്‍ക്ക് ഓണ്‍ലൈനായോ റെയില്‍വേ സ്‌റ്റേഷനിലെ ടിക്കറ്റ് കൗണ്ടറുകളിൽ നിന്നോ ടിക്കറ്റ് ബുക്ക് ചെയ്യാം.

റിസര്‍വേഷന്‍ കേന്ദ്രങ്ങള്‍, ജനസേവ കേന്ദ്രങ്ങള്‍, ഏജന്റ്, ഓണ്‍ലൈന്‍ മുതലായ സംവിധാനങ്ങളിലൂടെ മെയ് 22 മുതൽ ടിക്കറ്റ് ബുക്കിങ് ആരംഭിക്കുമെന്ന കേന്ദ്ര റെയിൽവേ മന്ത്രി പീയുഷ് ഗോയൽ ഇന്നലെ അറിയിച്ചിരുന്നു.ടിക്കറ്റ് മുന്‍കൂട്ടി ബുക്ക് ചെയ്ത് മാത്രമേ യാത്ര നടത്താന്‍ സാധിക്കുകയുള്ളൂ. ജനറല്‍ ബോഗികളും റിസര്‍വേഷന്‍ കോച്ചുകളാക്കും കൂടാതെ യാത്രയിൽ സുരക്ഷാ മാനദണ്ഡങ്ങളും പാലിക്കണം.

ജൂൺ 1 മുതലാണ് ട്രെയിനുകൾ ഓടിതുടങ്ങുക.ഇതുവരെ ഓണ്‍ലൈന്‍ ബുക്കിങിലൂടെ 13 ലക്ഷത്തിലധികം ആളുകള്‍ ടിക്കറ്റ് ബുക്ക് ചെയ്‌തെന്നും റെയില്‍വേ മന്ത്രാലയം അറിയിച്ചു.