ഹിജാബ് വിവാദത്തിന്റെ പശ്ചാത്തലത്തിൽ രാജ്യത്തെ എല്ലാ വിദ്യഭ്യാസ സ്ഥാപനങ്ങളിലും ഒരേ ഡ്രസ് കോഡ് വേണമെന്നാവശ്യപ്പെട്ട് സുപ്രീംകോടതിയിൽ പൊതു‌താത്‌പര്യ ഹർജി.വിദ്യാര്‍ത്ഥികള്‍ക്കൊപ്പം അധ്യാപകര്‍ക്കും ഡ്രസ് കോഡ് വേണം. സമത്വവും സാഹോദര്യവും ദേശീയോദ്ഗ്രഥനവും ഉറപ്പുവരുത്താനാണ് ഇതെന്നാണ് ഹർജിയിൽ പറയുന്നത്.
കേന്ദ്ര, സംസ്ഥാനസർക്കാരുകൾക്കും കേന്ദ്രഭരണപ്രദേശങ്ങൾക്കും ഇക്കാര്യമാവശ്യപ്പെട്ട് സുപ്രീംകോടതി നിർദേശം നൽകണം എന്നാണ് ഹർജിയിലെ ആവശ്യം. അതേസമയം ഹിജാബ് വിവാദത്തിൽ ഇതുവരെ വാദം കേൾക്കാൻ സുപ്രീം കോടതി തയ്യാറായിട്ടില്ല. കേസ് നിലവിൽ ഹൈക്കോടതിയുടെ പരിധിയിലാണ്.
