ശിവസേനയ്‌ക്കുള്ളില്‍ അതൃപ്‌തി പുകയുന്നു, പവാറിനേക്കാള്‍ ഭേദം ബി ജെ പി തന്നെയാണെന്ന് ഒരു പക്ഷം

മനീഷ് ലക്ഷ്‌മണന്‍
ബുധന്‍, 20 നവം‌ബര്‍ 2019 (16:34 IST)
മഹാരാഷ്‌ട്ര രാഷ്ട്രീയം പുതിയ മാനങ്ങളിലേക്ക്. സര്‍ക്കാരുണ്ടാക്കാന്‍ പാര്‍ട്ടികള്‍ കിണഞ്ഞ് ശ്രമങ്ങള്‍ നടത്തുന്നതിനിടെ ശിവസേന‌യ്‌ക്കുള്ളില്‍ അതൃപ്തി പുകയുകയാണ്. ബി ജെ പി ബന്ധം പൂര്‍ണമായും ഉപേക്ഷിച്ച് എന്‍ സി പിയെയും കോണ്‍ഗ്രസിനെയും ഒപ്പം കൂട്ടാന്‍ നടത്തുന്ന ശ്രമങ്ങളാണ് പാര്‍ട്ടിക്കുള്ളില്‍ കലാപത്തിന്‍റെ കളമൊരുക്കത്തിന് ഇടനല്‍കുന്നത്.
 
പാര്‍ട്ടി നേതൃത്വത്തിന്‍റെ നീക്കങ്ങളില്‍ ശിവസേനയിലെ 17 എം എല്‍ എമാര്‍ക്ക് എതിരഭിപ്രായമുണ്ടെന്നാണ് വിവരം. ശരദ് പവാറിനേക്കാള്‍ എന്തുകൊണ്ടും ഭേദം ബി ജെ പിയാണെന്നാണ് ഇവരുടെ അഭിപ്രായം. എന്നാല്‍ എതിര്‍സ്വരം ഉയര്‍ത്തുന്നവര്‍ക്ക് ഇതുവരെയും പാര്‍ട്ടി അധ്യക്ഷന്‍ ഉദ്ദവ് താക്കറെയുമായി കൂടിക്കാഴ്ച നടത്താന്‍ അവസരം ലഭിച്ചിട്ടില്ല.
 
അതിനിടെ ശരദ് പവാറും പ്രധാനമന്ത്രി നരേന്ദ്രമോദിയും തമ്മില്‍ കൂടിക്കാഴ്ച നടത്തിയതും ശിവസേനയ്ക്കുള്ളില്‍ ആശയക്കുഴപ്പത്തിന് കാരണമായിട്ടുണ്ട്. ദിവസം ചെല്ലുന്തോറും അതൃപ്തരുടെ എണ്ണം വര്‍ദ്ധിക്കുന്നത് ശിവസേന നേതൃത്വത്തെ അങ്കലാപ്പിലാക്കി. എന്തായാലും തങ്ങളുടെ എം എല്‍ എമാരെ റിസോര്‍ട്ടിലേക്ക് മാറ്റാനാണ് ശിവസേന തീരുമാനിച്ചിരിക്കുന്നത്.
 
ശരദ് പവാറിന്‍റെ നീക്കങ്ങള്‍ കോണ്‍ഗ്രസും സസൂക്ഷ്മം നിരീക്ഷിച്ചുവരികയാണ്. മോദിയുമായുള്ള പവാറിന്‍റെ കൂടിക്കാഴ്ച സംശയകരമാണെന്ന അഭിപ്രായം മുതിര്‍ന്ന കോണ്‍ഗ്രസ് നേതാക്കള്‍ക്കുണ്ട്.
 
എന്തായാലും വരും ദിവസങ്ങളില്‍ മഹാരാഷ്ട്ര അസാധാരണമായ പല രാഷ്ട്രീയനീക്കങ്ങള്‍ക്കും വേദിയാകും എന്നതില്‍ സംശയമില്ല. 

അനുബന്ധ വാര്‍ത്തകള്‍

വായിക്കുക

അഫ്ഗാനികൾ ഇങ്ങോട്ട് കയറണ്ട, ഇമിഗ്രേഷൻ അപേക്ഷകൾ നിർത്തിവെച്ച് യുഎസ്

കടുത്ത പനി; വേടന്‍ തീവ്രപരിചരണ വിഭാഗത്തില്‍ തുടരുന്നു, സ്റ്റേജ് ഷോ മാറ്റി

ഇന്ത്യന്‍ മഹാസമുദ്രത്തിനും മുകളിലായി ശക്തി കൂടിയ ന്യുനമര്‍ദ്ദം; സംസ്ഥാനത്ത് വരും ദിവസങ്ങളിലും മഴ തുടരും

Kerala Weather: തീവ്ര ന്യൂനമര്‍ദ്ദം വരുന്നു, കര തൊട്ട് സെന്‍യാര്‍ ചുഴലിക്കാറ്റ്; കേരളത്തില്‍ മഴ

സംസ്ഥാനത്ത് 28,300 മുന്‍ഗണന റേഷന്‍ കാര്‍ഡുകള്‍ വിതരണം ചെയ്തു

എല്ലാം കാണുക

ഏറ്റവും പുതിയത്

സമ്പദ് വ്യവസ്ഥ തകർന്നോ? കരുതൽ സ്വർണം വിൽക്കാനൊരുങ്ങി റഷ്യൻ കേന്ദ്രബാങ്ക്

മണ്ഡലകാലം രണ്ടാഴ്ച്ച തികയുമ്പോൾ ശബരിമലയിൽ എത്തിയത് 12 ലക്ഷത്തിനടുത്ത് തീർത്ഥാടകർ

ഡിറ്റ്‌വാ സ്വാധീനം സംസ്ഥാനത്തെ തണുത്ത അന്തരീക്ഷ സ്ഥിതി ഉച്ചയോടെ മാറും, ഒറ്റപ്പെട്ട മഴയ്ക്കും സാധ്യത

Ditwah Cyclone: ഡിറ്റ്‌വാ ചുഴലിക്കാറ്റ്: തമിഴ്‌നാട്- പുതുച്ചേരി തീരങ്ങളിൽ ശക്തമായ മഴ

യുവതി വിവാഹിതയാണെന്നറിയാം, സംസാരിച്ചത് ഭര്‍ത്താവിന്റെ ഉപദ്രവം വിവരിച്ചെന്ന് രാഹുല്‍ മാങ്കൂട്ടത്തില്‍

അടുത്ത ലേഖനം
Show comments