സ്‌കൂളില്‍ വെച്ച് അഞ്ചാം ക്ലാസുകാരന്‍ പാമ്പുകടി മരിച്ചു സ്‌കൂളിലെ ഹെഡ്മാസ്റ്റര്‍ പോലീസ് പിടിയില്‍. ബംഗാളിലെ ഭര്‍ദ്ധവാനില്‍ ആണ് 11കാരന്‍ സ്‌കൂളില്‍ വച്ച് പാമ്പുകടി മരിച്ചത്. കുട്ടി കളിക്കുന്നതിനിടെ എന്തോ കടിച്ചതായി തോന്നുകയും അധ്യാപകരെ അറിയിക്കുകയും ചെയ്തിരുന്നു. എന്നാല്‍ അധ്യാപകര്‍ ഇത് കാര്യമാക്കുകയോ കുട്ടിയെ പരിശോധിക്കുകയോ ആശുപത്രിയില്‍ കൊണ്ടു പോവുകയോ ചെയ്തില്ല.
ബന്ധുക്കളുടെ പരാതിയിലാണ് പോലീസ് സ്‌കൂളിലെ പ്രധാന അധ്യാപകനെ അറസ്റ്റ് ചെയ്തത്. കോശിഗ്രാം യൂണിയന്‍ ഇന്‍സ്റ്റിറ്റിയൂഷനിലെ അഞ്ചാം ക്ലാസ് വിദ്യാര്‍ത്ഥിയായ ഇന്ദ്രജിത്ത് മജിഹിയാണ് മരിച്ചത്.
