ഇന്ത്യ പൂർണമായും തദ്ദേശീയമായി നിർമ്മിച്ച അതിവേഗ ട്രെയിനായ വന്ദേഭാരത് ദക്ഷിണേന്ത്യയിലും സർവീസിന് ഒരുങ്ങുന്നു. ഇതിന് മുന്നോടിയായുള്ള ട്രയൽ റൺ റെയിൽവേ ആരംഭിച്ചു. ഈ മാസം 11ന് സർവീസിൻ്റെ ഔദ്യോഗിക ഉദ്ഘാടനം പ്രധാനമന്ത്രി നിർവഹിക്കും.
ചെന്നൈ എംജിആർ സെൻട്രൽ സ്റ്റേഷനിൽ നിന്നും മൈസൂരിലേക്കാണ് ട്രെയിൻ സർവീസ്. രാജ്യത്തെ അഞ്ചാമത് വന്ദേഭാരത് സർവീസ് ആണിത്. മുൻ ട്രെയിനുകളിൽ നിന്ന് വ്യത്യസ്തമായി ട്രെയിൻ കൂട്ടിയിടി ഒഴിവാക്കാനുള്ള കവച് എന്ന സംവിധാനം ഈ ട്രെയിനിലുണ്ട്. ഓട്ടോമാറ്റിക് വാതിലുകളും 180 ഡിഗ്രിയിൽ തിരിയുന്ന സുഖപ്രദമായ കസേരകളും ശീതീകരിച്ച കോച്ചുകളും ട്രെയിനിലുണ്ട്. കൂടാതെ ഓട്ടോമാറ്റിക് ഫയർ സെൻസർ, സിസിടിവി ക്യാമറകൾ,ജിപിഎസ് സംവിധാനങ്ങളും ട്രെയിനിലുണ്ട്.
