കൊവിഡ് സ്ഥിരീകരിച്ച തെന്നിന്ത്യന്‍ സിനിമാ താരം തമന്ന ഭാട്ടിയ ആശുപത്രി വിട്ടു. തമന്നയ്ക്ക് ഇതുവരെ രോഗം ഭേദമായിട്ടില്ല. ഹൈദരാബാദിലെ സ്വകാര്യ ആശുപത്രിയില്‍ ചികിത്സയിലായിരുന്നു. താന്‍ വീട്ടിലേക്ക് പോകുകയാണെന്നും ആരോഗ്യ പ്രവര്‍ത്തകരുടെ നിര്‍ദേശപ്രകാരം വീട്ടില്‍ ചികിത്സ തുടരുമെന്നും താരം തന്റെ ഇന്‍സ്റ്റഗ്രാമിലൂടെ അറിയിച്ചു.
ലോകത്തിലെ നിരവധിപേരെ വിഷമിപ്പിക്കുന്ന ഈ രോഗത്തില്‍ നിന്നും പൂര്‍ണമായും കരകയറുമെന്ന് വിശ്വാസമുണ്ടെന്ന് താരം പറഞ്ഞു. കഴിഞ്ഞ ഓഗസ്റ്റില്‍ താരത്തിന്റെ മാതാവിനും പിതാവിനും രോഗം സ്ഥിരീകരിച്ചിരുന്നു.
