ട്രാഫിക് നിയമങ്ങള്‍ ലംഘിച്ചെന്നാരോപിച്ച് 4800 രൂപ പിഴ ചുമത്തിയതില്‍ പ്രകോപിതനായി കര്‍ഷകന്‍ ബൈക്ക് കത്തിച്ചു. തെലങ്കാന ജില്ലയിലെ വികാരാബാദിലാണ് സംഭവം. കര്‍ഷക തൊഴിലാളിയായ തലാരി സംഗപ്പയാണ് തന്റെ ബൈക്ക് കത്തിച്ചത്.
ഹെല്‍മറ്റ് ധരിക്കാത്തതുള്‍പ്പെടെയുള്ള നിയമലംഘനങ്ങള്‍ക്കാണ് പിഴ. പിഴ ഒടുക്കിയാലെ പോകാന്‍ അനുവദിക്കുകയുള്ളുവെന്ന് പൊലീസ് പറയുകയും സംഗപ്പ അവിടെനിന്ന് രക്ഷപ്പെടുകയും തന്റെ ബൈക്ക് പെട്രോളൊഴിച്ച് കത്തിക്കുകയായിരുന്നു.
