സത്യത്തെ അവഹേളിക്കാനാവും, പരാജയപ്പെടുത്താനാവില്ല-പാർട്ടി സ്ഥാനങ്ങളിൽ നിന്നും പുറത്താക്കിയതിന് പിന്നാലെ സച്ചിന്റെ ട്വീറ്റ്

ജയ്‌പൂർ: ഉപമുഖ്യമന്ത്രി സ്ഥാനത്തുനിന്നും പിസിസി അധ്യക്ഷ സ്ഥാനത്തുനിന്നും നീക്കം ചെയ്‌തതിന് പിന്നാലെ പ്രതികരണവുമായി സച്ചിൻ പൈലറ്റ്. ട്വിറ്ററിലൂടെയാണ് സച്ചിന്റെ പ്രതികരണം.

സത്യത്തെ അവഹേളിക്കാനാവും പക്ഷേ പരാജയപ്പെടുത്താനാവില്ല എന്നാണ് സച്ചിന്റെ ട്വീറ്റ്. കോൺഗ്രസ് അംഗമെന്നതും സച്ചിൻ തന്റെ ട്വിറ്റർ ബയോയിൽ നിന്നും നീക്കിയിട്ടുണ്ട്.

ഗോവിന്ദ് സിങ് ഡോടാസരയാണ് പുതിയ പി.സി.സി. അധ്യക്ഷന്‍. സച്ചിന്റെ വിശ്വസ്തരും മന്ത്രിമാരുമായ വിശ്വേന്ദ്രസിങ്, രമേഷ് മീണ എന്നിവരെയും മന്ത്രിസഭയിൽ നിന്നും മാറ്റിയിട്ടുണ്ട്.