ഭാര്യ അച്ഛനെ വിവാഹം കഴിച്ച കാര്യം യുവാവ് അറിഞ്ഞത് വിവരാവകാശരേഖ പ്രകാരം; സംഭവം കേട്ട് ഞെട്ടി പൊലീസ്

Webdunia
തിങ്കള്‍, 5 ജൂലൈ 2021 (07:51 IST)
വിവാഹത്തിനു മിനിറ്റുകള്‍ക്ക് മുന്‍പ് മട്ടന്‍ കറി വിളമ്പാത്തതിന്റെ പേരില്‍ താലികെട്ടാതെ പ്രതിഷേധിച്ച വരനെ കുറിച്ച് കഴിഞ്ഞ ആഴ്ചയാണ് നാം കേട്ടത്. വിവാഹ ചടങ്ങുകള്‍ക്കിടെ ഇത്തരം നാടകീയ സംഭവങ്ങള്‍ ധാരാളം നടക്കുന്നുണ്ട്. അതിനിടയിലാണ് വളരെ ഞെട്ടിക്കുന്ന ഒരു വാര്‍ത്ത പുറത്തുവരുന്നത്. ഭാര്യ തന്റെ അച്ഛനെ വിവാഹം കഴിച്ച കാര്യം യുവാവ് അറിഞ്ഞത് വിവരാവകാശരേഖ പ്രകാരമാണെന്ന് പറഞ്ഞാല്‍ നിങ്ങള്‍ വിശ്വസിക്കുമോ? ഞെട്ടരുത്, സംഗതി സത്യമാണ്. ഉത്തര്‍പ്രദേശിലെ ബുദ്ധൗന്‍ ജില്ലയില്‍ ബിസൗലി എന്ന ഗ്രാമത്തിലാണ് സംഭവം നടന്നത്. 
 
22 കാരനാണ് തന്റെ ഭാര്യ മറ്റൊരു വിവാഹം കഴിച്ച് ജീവിക്കുകയാണെന്ന് വിവരാവകാശ നിയമപ്രകാരം കണ്ടെത്തിയത്. എന്നാല്‍, ഭാര്യ വിവാഹം കഴിച്ചിരിക്കുന്നത് തന്റെ സ്വന്തം അച്ഛനെ തന്നെയാണെന്ന് അറിഞ്ഞപ്പോള്‍ യുവാവ് അക്ഷരാര്‍ത്ഥത്തില്‍ ഞെട്ടി. 
 
യുവാവിന്റെ അച്ഛന് ഇപ്പോള്‍ 48 വയസ്സാണ്. ശുചീകരണ തൊഴിലാളിയാണ്. വീട്ടില്‍ നിന്നു വഴക്കിട്ട് പോയി മറ്റൊരു സ്ഥലത്ത് ജീവിക്കുകയായിരുന്നു യുവാവിന്റെ അച്ഛന്‍. 2016 ലാണ് യുവാവ് തനിക്കിഷ്ടപ്പെട്ട ഒരു പെണ്‍കുട്ടിയെ വിവാഹം കഴിച്ചത്. വിവാഹം കഴിക്കുന്ന സമയത്ത് ഇരുവര്‍ക്കും പ്രായപൂര്‍ത്തിയായിട്ടില്ലായിരുന്നു എന്നും റിപ്പോര്‍ട്ടുകളുണ്ട്. വിവാഹം കഴിച്ച് ആറ് മാസം ആകുമ്പോഴേക്കും ഇരുവരും തമ്മില്‍ കുടുംബപ്രശ്‌നങ്ങള്‍ തുടങ്ങി. ആ വഴക്ക് നീണ്ടു. ഇരുവര്‍ക്കും ഒരു മകനുണ്ട്. കുട്ടിക്ക് രണ്ട് വയസ്സാണ്. 
 
ദമ്പതികള്‍ക്കിടയില്‍ തര്‍ക്കം രൂക്ഷമാകുകയും യുവതി വിവാഹമോചനം വേണമെന്ന് ആവശ്യപ്പെടുകയും ചെയ്തു. എന്നാല്‍, പ്രശ്‌നങ്ങള്‍ പറഞ്ഞുതീര്‍ത്ത് ഒന്നിച്ചുജീവിക്കാനാണ് യുവാവ് ആഗ്രഹിച്ചിരുന്നത്. എന്നാല്‍, വിവാഹമോചനത്തില്‍ ഭാര്യ ഉറച്ചുനിന്നതോടെ ഇയാള്‍ക്ക് പല കാര്യങ്ങളിലും സംശയമായി. വിവരാവകാശ നിയമപ്രകാരം പല തരത്തില്‍ അന്വേഷണം ആരംഭിച്ചു. അതിനിടയിലാണ് ഭാര്യ മറ്റൊരു കല്യാണം കഴിച്ച കാര്യം കണ്ടെത്തിയത്. തന്റെ ഭാര്യ മറ്റൊരാളുമായി പ്രണയത്തിലാണെന്നും അയാളുമായി വിവാഹം കഴിഞ്ഞിട്ടുണ്ടെന്നും യുവാവിന് മനസിലായി. പിന്നീട് ഇതേ കുറിച്ച് അന്വേഷിച്ചപ്പോള്‍ തന്റെ അച്ഛന്‍ തന്നെയാണ് ഭാര്യയെ വിവാഹം കഴിച്ചതെന്ന് യുവാവ് ഞെട്ടലോടെ മനസിലാക്കുകയായിരുന്നു. 
 

അനുബന്ധ വാര്‍ത്തകള്‍

വായിക്കുക

അഫ്ഗാനികൾ ഇങ്ങോട്ട് കയറണ്ട, ഇമിഗ്രേഷൻ അപേക്ഷകൾ നിർത്തിവെച്ച് യുഎസ്

കടുത്ത പനി; വേടന്‍ തീവ്രപരിചരണ വിഭാഗത്തില്‍ തുടരുന്നു, സ്റ്റേജ് ഷോ മാറ്റി

ഇന്ത്യന്‍ മഹാസമുദ്രത്തിനും മുകളിലായി ശക്തി കൂടിയ ന്യുനമര്‍ദ്ദം; സംസ്ഥാനത്ത് വരും ദിവസങ്ങളിലും മഴ തുടരും

Kerala Weather: തീവ്ര ന്യൂനമര്‍ദ്ദം വരുന്നു, കര തൊട്ട് സെന്‍യാര്‍ ചുഴലിക്കാറ്റ്; കേരളത്തില്‍ മഴ

സംസ്ഥാനത്ത് 28,300 മുന്‍ഗണന റേഷന്‍ കാര്‍ഡുകള്‍ വിതരണം ചെയ്തു

എല്ലാം കാണുക

ഏറ്റവും പുതിയത്

സമ്പദ് വ്യവസ്ഥ തകർന്നോ? കരുതൽ സ്വർണം വിൽക്കാനൊരുങ്ങി റഷ്യൻ കേന്ദ്രബാങ്ക്

മണ്ഡലകാലം രണ്ടാഴ്ച്ച തികയുമ്പോൾ ശബരിമലയിൽ എത്തിയത് 12 ലക്ഷത്തിനടുത്ത് തീർത്ഥാടകർ

ഡിറ്റ്‌വാ സ്വാധീനം സംസ്ഥാനത്തെ തണുത്ത അന്തരീക്ഷ സ്ഥിതി ഉച്ചയോടെ മാറും, ഒറ്റപ്പെട്ട മഴയ്ക്കും സാധ്യത

Ditwah Cyclone: ഡിറ്റ്‌വാ ചുഴലിക്കാറ്റ്: തമിഴ്‌നാട്- പുതുച്ചേരി തീരങ്ങളിൽ ശക്തമായ മഴ

യുവതി വിവാഹിതയാണെന്നറിയാം, സംസാരിച്ചത് ഭര്‍ത്താവിന്റെ ഉപദ്രവം വിവരിച്ചെന്ന് രാഹുല്‍ മാങ്കൂട്ടത്തില്‍

അടുത്ത ലേഖനം
Show comments