കമല്‍‌ഹാസന് മാനസിക വിഭ്രാന്തി? - ഞെട്ടിത്തരിച്ച് തമിഴ് സിനിമാ ലോകം

ചില കാര്യങ്ങളൊക്കെ പറയാന്‍

ഉലകനായകന്‍ കമല്‍ഹാസന് മാനസിക വിഭ്രാന്തിയെന്ന് മന്ത്രി ആര്‍ ബി ഉദയ കുമാര്‍. താരത്തിന് ചില മാനസിക പ്രശനങ്ങള്‍ ഉണ്ടാകുമെന്നും മാനസികമായി വിഭ്രാന്തിയുള്ള വ്യക്തിയാണ് കമലെന്ന് കരുതുന്നുവെന്നും റവന്യു മന്ത്രി ഒരു ചാനലിനോട് പറഞ്ഞു. മന്ത്രിയുടെ വാക്കുകള്‍ ഉലകനായകന്റെ ആരാധകരെ ചൊടിപ്പിച്ചിരിക്കുകയാണ്.

ജനങ്ങളോട് ചിലതൊക്കെ പറയാന്‍ കമല്‍ ആഗ്രഹിക്കുന്നുണ്ടെന്നും എന്നാല്‍ അത് എങ്ങനെ പറയണമെന്ന് അദ്ദേഹത്തിന് അറിയില്ലെന്നും അതിന്റെ പ്രശനമാകാം ഇതൊക്കെയെന്നും മന്ത്രി പറഞ്ഞു. സ്വാതന്ത്ര്യദിനത്തില്‍ തമിഴ്നാട് സര്‍ക്കാരിനെതിരെ കമല്‍ഹാസന്‍ ആഞ്ഞടിച്ചിരുന്നു. ഇതിനെതിരെയാണ് മന്ത്രിയുടെ പ്രതികരണം.

ദുരന്തങ്ങളും അഴിമതിയും തുടര്‍ക്കഥയാകുമ്പോള്‍ ആ സംസ്ഥാനം ഭരിക്കുന്ന മുഖ്യമന്ത്രിയുടെ രാജി സ്വാഭാവികമായും ആവശ്യമായി വരുമെന്നുമായിരുന്നു കമല്‍ഹാസന്‍ ട്വിറ്ററില്‍ കുറിച്ചത്. തമിഴ്നാടീന്റെ പുരോഗതിയാണ് എന്റെ ലക്ഷ്യമെന്നും അതിനായി താന്‍ പോരാടുമെന്നും താരം വ്യക്തമാക്കിയിരുന്നു.