ഭരണമില്ലാത്ത സമയത്തും സമ്പത്തുണ്ടാക്കുന്നതില്‍ കരുണാനിധിയുടെ ഡി എം കെ മുന്നില്‍. ഭരണത്തിലല്ലാത്ത 2015 - 16 കാലഘട്ടത്തില്‍ ഡി എം കെ സമ്പാദിച്ചത് 77.63 കോടി രൂപ.
അസോസിയേഷന്‍ ഓഫ് ഡമോക്രാറ്റിക് റിഫോംസ് (എഡി‌ആര്‍) തയ്യാറാക്കിയ റിപ്പോര്‍ട്ടിലാണ് ഇത് വെളിപ്പെടുത്തുന്നത്. സമ്പത്തുണ്ടാക്കിയതിന്‍റെ കാര്യത്തില്‍ തൊട്ടടുത്ത സ്ഥാനത്തുള്ളത് എ ഐ ഡി എം കെയാണ്. ആ കാലയളവില്‍ അവരുടെ സമ്പാദ്യം 54.93 കോടി രൂപയാണ്.
മൊത്തം 32 പ്രാദേശിക രാഷ്ട്രീയ പാര്‍ട്ടികളുടെ വരവുചെലവ് കണക്കുകളാണ് എ ഡി ആര്‍ പുറത്തുവിട്ടിരിക്കുന്നത്.
ചന്ദ്രബാബു നായിഡുവിന്‍റെ ടിഡിപി 2015-16 കാലഘട്ടത്തില്‍ 15.97 കോടി രൂപയുടെ സമ്പത്തുണ്ടാക്കി. ഇതില്‍ 13.10 കോടി രൂപ ആ സമയത്തുതന്നെ ടിഡിപി ചെലവാക്കുകയും ചെയ്തിട്ടുണ്ട്. കേജ്‌രിവാളിന്‍റെ ആം ആദ്‌മി പാര്‍ട്ടി ആ സമയത്ത് ചെലവഴിച്ച തുക 11.09 കോടി രൂപയാണ്.
സമാജ്‌വാദി പാര്‍ട്ടി, ആര്‍ജെഡി എന്നീ പാര്‍ട്ടികള്‍ 2015-16 കാലഘട്ടത്തിലെ വരവുചെലവ് കണക്കുകള്‍ ഇതുവരെ തെരഞ്ഞെടുപ്പുകമ്മീഷനില്‍ സമര്‍പ്പിച്ചിട്ടില്ല.
