മകള്‍ വീഡിയോ പുറത്തുവിട്ടു; പണികിട്ടിയത് അച്ഛന് !
മകള്‍ വീഡിയോ പുറത്തുവിട്ടു; പണികിട്ടിയത് അച്ഛന് !
മക്കള്‍ ചെയ്യുന്ന കാര്യങ്ങള്‍ക്ക് പലപ്പോഴും പണി കിട്ടുക രക്ഷകര്‍ത്താക്കള്‍ക്കാണ്. അങ്ങനെ ഒരു സംഭവമാണ് ഇവിടെ നടന്നിരിക്കുന്നത്. സ്വന്തം യൂട്യൂബ് ചാനല്‍ വഴി മകള്‍ പുറത്ത് വിട്ട വീഡിയോയാണ് അച്ഛന് കുരിശായി മാറിയിരിക്കുന്നത്. ഒക്ടോബര് 28ന് പുറത്ത് വിട്ട വീഡിയോ ഇതിനോടകം നിരവധിപേര്‍ കണ്ടുകഴിഞ്ഞു.
അന്ന് വരെ വിപണിയില്‍ ലഭ്യമാകാതിരുന്ന ഐഫോണ്‍ X ന്റെ ദൃശ്യങ്ങളാണ് മകള്‍ യൂട്യൂബ് ചാനല്‍ ഹിറ്റാക്കാനായി പുറത്തുവിട്ടത്. ജീവനക്കാര്‍ക്കായി നല്‍കുന്ന പ്രത്യേക ക്യൂആര്‍ കോഡ് അടങ്ങുന്ന ഐഫോണ്‍ X സ്മാര്‍ട്‌ഫോണിന്റെ ദൃശ്യങ്ങളായിരുന്നു ബ്രൂക്ക് അമീലിയ പീറ്റേഴ്‌സന്‍ പുറം ലോകത്തിന് കാട്ടികൊടുത്തത്.
ഐഫോണ്‍ X ന്റെ വിവരങ്ങളറിയാന്‍ കാത്തിരുന്ന ആരാധകര്‍ വീഡിയോ ഏറ്റെടുക്കുകയായിരുന്നു. നിമിഷങ്ങള്‍ക്കകം വീഡിയോ വൈറലായി. സംഭവമറിഞ്ഞ ആപ്പിള്‍ അധികൃതര്‍ നടപടിയെടുക്കാനും വൈകിയില്ല. അമീലിയ പീറ്റേഴ്‌സന്റെ അച്ഛനായ ആപ്പിള്‍ ജീവനക്കാരനെ ഉടന്‍ തന്നെ പുറത്താക്കിയെന്നാണ് റിപ്പോര്‍ട്ടുകള്‍.
