സിംപിളാണ്, അതുപോലെ ഒടുക്കത്തെ രുചിയും; ക്രിസ്‌മസിനു രുചികരമായ ബീഫ് ഫ്രൈ തയ്യാറാക്കാം

സിംപിളാണ്, അതുപോലെ ഒടുക്കത്തെ രുചിയും; ക്രിസ്‌മസിനു രുചികരമായ ബീഫ് ഫ്രൈ തയ്യാറാക്കാം

വ്യാഴം, 20 ഡിസം‌ബര്‍ 2018 (17:26 IST)
ബീഫ് ഇല്ലാത്ത ക്രിസ്‌മസിനെ കുറിച്ച് ചിന്തിക്കാന്‍ സാധിക്കുമോ ?, ഇല്ലെന്നാകും എല്ലാവരുടെയും ഉത്തരം.
രുചികരമായ ബിഫ് ഫ്രൈയ്‌ക്കൊപ്പം ഏത് വിഭവവും കഴിക്കാമെന്നതാണ് പ്രത്യേകത. എളുപ്പത്തില്‍ തയ്യാറാക്കാന്‍ സാധിക്കുന്ന രുചികരമായ വിഭവമായതിനാല്‍ ബീഫ് ഒഴിവാക്കിയുള്ള ആഘോഷങ്ങള്‍ ക്രിസ്‌ത്യന്‍ ഭവനങ്ങളില്‍ കുറവാണ്.

കപ്പ, അപ്പം, ചപ്പാത്തി, ബ്രഡ്, പെറോട്ട എന്നിവയ്‌ക്കൊപ്പം ഫ്രൈ ആക്കി കഴിക്കാന്‍ സാധിക്കുന്ന മികച്ച ഭക്ഷണമാണ് ബീഫ്. എത്ര ശ്രദ്ധയോടെ തയ്യാറാക്കിയിട്ടും രുചികരമാകുന്നില്ല എന്ന പരാതി പല വീട്ടമ്മമാര്‍ക്കുമുണ്ട്. എന്നാല്‍ ചില കാര്യങ്ങള്‍ ശ്രദ്ധിച്ചാല്‍ സ്വാദിഷ്‌ടമായ ബീഫ് ഫ്രൈ ഉണ്ടാക്കാവുന്നതാണ്.

രുചികരമായ ബീഫ് ഫ്രൈ തയ്യാറാക്കാം

ചേര്‍ക്കേണ്ട ഇനങ്ങള്‍

ബീഫ്  - 1 1/2 കിലോ
ഡാല്‍ഡ - 3 ടേബിള്‍ സ്പൂണ്‍
വെളുത്തുള്ളി - 2 എണ്ണം
ഉള്ളി - 9 എണ്ണം
സവോള ചെറുത് - 2 എണ്ണം
ഇഞ്ചി - 2 കഷ്ണം
വറ്റല്‍ മുളക് -15
ഉപ്പ് - പാകത്തിന്

പാകം ചെയ്യേണ്ട വിധം

ബീഫ് വലിയ കഷ്ണങ്ങളാക്കിയ ശേഷം ഫോര്‍ക്കുപയോഗിച്ച് പരുവത്തിലാക്കുക. മൂന്നു ടേബിള്‍ സ്പൂണ്‍ സോയാസോസും ഒന്നര ടേബിള്‍ സ്പൂണ്‍ മുളകുപൊടിയും ആവശ്യത്തിന് ഉപ്പും പുരട്ടി ഒരു മണിക്കൂര്‍ വയ്ക്കണം. അ/തിനു ശേഷം വേവിക്കുക. ഉള്ളി, വെളുത്തുള്ളി, സവോള, ഇഞ്ചി എന്നിവ നീളത്തില്‍ അരിഞ്ഞതും വറ്റല്‍മുളകും ഡാല്‍ഡയില്‍ വഴറ്റി മൂക്കുമ്പോള്‍ ഇറച്ചിയിട്ടു വറുക്കുക. മൊരിയുമ്പോള്‍ വാങ്ങി ഉപയോഗിക്കുക.

വെബ്ദുനിയ വായിക്കുക

അനുബന്ധ വാര്‍ത്തകള്‍

അടുത്ത ലേഖനം പ്രമേഹ രോഗികൾ ശ്രദ്ധിക്കണം, ഹൈപ്പോഗ്ലൈസീമിയ വില്ലനായേക്കാം!