ചില്ലി മട്ടൺ ഇഷ്ടമില്ലാത്തവർ ഉണ്ടാകില്ല. ഹോട്ടലുകളിൽ പോയി കഴിക്കുന്നവരായിരിക്കും അധികം. എന്നാൽ, ചില്ലി മട്ടൺ എങ്ങനെയാണ് വീട്ടിലുണ്ടാക്കുന്നത് എന്ന് നോക്കാം.
ചേരുവകള്‍:
മട്ടണ്‍ - കാല്‍ കിലോ
ചില്ലിസോസ് - ഒരു ടേബിള്‍ സ്പൂണ്
ഇഞ്ചി അരിഞ്ഞത് - ഒരു ടേബിള്‍ സ്പൂണ്
വെളുത്തുള്ളി അരിഞ്ഞത് - രണ്ട് ടീസ്പൂണ്
പച്ചമുളക് - പത്തെണ്ണം
സവാള - നാല് എണ്ണം
സോയാസോസ് - മൂന്ന് ടേബിള്‍ സ്പൂണ്
കോണ്‍ ഫ്ലവര്‍ - അര ടീസ്പൂണ്
കുരുമുളകു പൊടി - ഒരു ടീസ്പൂണ്
ഉപ്പ് - പാകത്തിന്
പാകം ചെയ്യുന്ന വിധം:
ചെറിയ കഷണങ്ങളാക്കിയ ഇറച്ചി ഉപ്പു ചേര്‍ത്ത് ചാറോടു കൂടി വേവിച്ചു വെയ്ക്കുക. എണ്ണ ചൂടാക്കി ഇഞ്ചി, സവാള, വെളുത്തുള്ളി, പച്ചമുളക് എന്നിവ ചേര്‍ത്ത് വഴറ്റിയെടുക്കുക. തുടര്‍ന്ന്, ചില്ലിസോസ്, സോയാസോസ്, കുരുമുളകു പൊടി എന്നിവ ചേര്‍ത്ത് വഴറ്റുക. തുടര്‍ന്ന്, ഇറച്ചി വേവിച്ച വെള്ളത്തില്‍ കോണ്‍ഫ്ലവര്‍ കലക്കി ഇതിലൊഴിച്ച് ഇളക്കുക. ഈ മിശ്രിതം ഇറച്ചിയില്‍ പൊതിഞ്ഞ് കോണ്‍ഫ്ലവര്‍ കുറുകി ഇത്തിരി ഗ്ലേസിങ് വരുമ്പോള്‍ പാത്രം വാങ്ങിവെയ്ക്കുക.