മണ്ഡല മകരവിളക്ക് തീര്‍ഥാടനത്തിനായി ശബരിമല നട ഇന്ന് തുറക്കും. ഇന്ന് വൈകുന്നേരം അഞ്ച് മണിക്ക് ക്ഷേത്ര തന്ത്രി കണ്ഠരര് രാജീവരരുടെ കാര്‍മ്മികത്വത്തില്‍ മേല്‍ശാന്തി എന്‍ പരമേശ്വരന്‍ നമ്പൂതിരിയാണ് ശ്രീകോവില്‍ തുറന്ന് ദീപം തെളിക്കുന്നത്.
അതേസമയം നിലവിലെ ശബരിമല, മാളികപ്പുറം മേല്‍ശാന്തിമാരുടെ കാലവധി ഇന്ന് അവസാനിക്കുകയും ശബരിമലയിലെയും മാളികപ്പുറത്തേയും പുതിയ മേല്‍ശാന്തിമാരായ കെ ജയരാമന്‍ നമ്പൂതിരിയുടെയും ഹരിഹരന്‍ നമ്പൂതിരിയുടേയും സ്ഥാനരോഹണവും ഇന്ന് നടക്കുകയും ചെയ്യും.
