Select Your Language

Notifications

webdunia
webdunia
webdunia
webdunia

ജനിച്ച ദിവസം പറയും നിങ്ങളുടെ ഭാവി!

ജനിച്ച ദിവസം പറയും നിങ്ങളുടെ ഭാവി!

ജനിച്ച ദിവസം പറയും നിങ്ങളുടെ ഭാവി!
, വ്യാഴം, 5 ജൂലൈ 2018 (14:25 IST)
ഒരു വ്യക്തിയുടെ സ്വഭാവത്തെ സ്വാധീനിക്കുന്ന നിരവധി ഘടകങ്ങളുണ്ട്. ജനിച്ച സാഹചര്യം മുതൽ നമ്മുടെ ചുറ്റുപാടുകൾ വരെ അതിൽ ഉൾപ്പെടുന്നവയാണ്. എന്നാൽ ജന്മദിനത്തിന്റെ സ്വാധീനവും നമ്മുടെ സ്വഭാവവും വളരെയധികം ബന്ധപ്പെട്ടുകിടക്കുന്നുണ്ടെന്നാണ് ജ്യോതിഷം പറയുന്നത്. ഓരോ വ്യക്തിയുടെയും സ്വഭാവം ജന്മദിനത്തിന്റെ പ്രത്യേകത അനുസരിച്ച് വ്യത്യാസപ്പെട്ടിരിക്കാം.
 
തിങ്കൾ ദിവസം ജനിക്കുന്നവർ എല്ലാക്കാര്യത്തിലും അധികാരസ്വഭാവം കാട്ടുന്നവരാണ്. അതുകൊണ്ടുതന്നെ മറ്റുള്ളവർക്ക് ഇത് ഇഷ്‌ടപ്പെടണമെന്നില്ല. അധികാരമനോഭാവമുള്ളതുകൊണ്ടുതന്നെ ചെയ്യുന്ന മറ്റെല്ലാ നല്ല പ്രവർത്തികളും ശുഭകരമായിരിക്കില്ല. ഉറച്ചതീരുമാനമെടുക്കാൻ പ്രാപ്തിയുള്ളവരാണ് ചൊവ്വാഴ്ച ജനിച്ചവർ. മറ്റുള്ളവർക്ക് ചെയ്യാൻ കഴിയാത്ത ചില കാര്യങ്ങൾ യാതൊരു മടിയുമില്ലാതെ ചെയ്യാൻ ഇവർക്കാകും. ഏറ്റെടുത്ത കാര്യങ്ങൾ  ഉത്സാഹത്തോടെ ചെയ്തു തീർക്കാൻ ശ്രമിക്കും. മുൻകോപികളും  ധൈര്യശാലികളുമായ ഇവർ ഏറ്റെടുക്കുന്ന കാര്യങ്ങൾ നല്ല രീതിയിൽ ചെയ്‌തുതീർക്കും. 
 
ബുധനാഴ്‌ച ജനിച്ചവർ എല്ലാ കാര്യങ്ങളും ആലോചിച്ച്  ചെയ്യുന്നവരാണ്. സംസാരപ്രിയരായ ഇക്കൂട്ടർ സുഹൃത്തുക്കളുമായും അയൽക്കാരുമായും ബന്ധുക്കളുമായും നല്ല ബന്ധം വച്ചു പുലർത്തുന്നവരായിരിക്കും. ഏതു സാഹചര്യവുമായും എളുപ്പത്തിൽ ഇണങ്ങിച്ചേരുന്ന ഇവർ തർക്കങ്ങൾ പരിഹരിക്കാൻ മുമ്പിൽ തന്നെ ഉണ്ടാകും. വ്യാഴാ‌ഴ്‌ച ജനിക്കുന്നവർ ശുഭാപ്തി വിശ്വാസക്കാരായിരിക്കും. ഇവർക്ക് ഐശ്വര്യ പൂർണമായ ജീവിതമായിരിക്കും. സഞ്ചാരപ്രിയരായ ഇവർ കൂടുതൽ യാത്രകൾ നടത്തി ഏറെ കാര്യങ്ങൾ ഗ്രഹിക്കാൻ ശ്രമിക്കും. ആഗ്രഹിച്ചപോലെ കാര്യങ്ങൾ ചെയ്യാനായില്ലെങ്കിൽ പെട്ടെന്ന് വിഷമംവരുന്ന പ്രകൃതക്കാരായിരിക്കും.
 
വെള്ളിയാഴ്ച ജനിച്ചവരുടെ ജീവിതം പൊതുവെ സുഖകരവും സന്തോഷകരവുമായിരിക്കുന്നതിനാൽ ഇവർ ആ സന്തോഷം മറ്റുള്ളവരിലേക്കും പകരാൻ ശ്രമിക്കും അതുകൊണ്ടുതന്നെ എല്ലാവർക്കും പ്രിയപ്പെട്ടവരായിരിക്കും ഇക്കൂട്ടർ. മറ്റുള്ളവരുടെ അഭിപ്രായങ്ങൾക്കും ചിന്തകൾക്കും കൂടുതൽ പ്രാധാന്യം നൽകുന്നവരായിരിക്കും. മറ്റുള്ളവരോട് സഹാനുഭൂതി പ്രകടിപ്പിക്കുന്നവരാണ്  വെള്ളിയാഴ്ച ജനിച്ചവർ. സൗന്ദര്യം, കല, പ്രണയം, ആഢംബരം എന്നിവയിലെല്ലാം പ്രിയമുള്ളവരായിരിക്കും 
 
ബുദ്ധികൂർമ്മതയിലും പ്രായോഗികതയിലും എല്ലായ്പ്പോഴും ഒരുപടി മുന്നിൽ നിൽക്കുന്നവരാണ് ശനിയാഴ്‌ച ജനിച്ചവർ. ഇക്കൂട്ടർക്ക് നിർബന്ധബുദ്ധി കൂടുതലായിരിക്കും‌. സമയനിഷ്ഠമായി കാര്യങ്ങൾ ചെയ്തുതീർക്കുന്ന ഇവർ കർക്കശ സ്വഭാവക്കാരും നേർവഴിക്ക് ചിന്തിക്കുന്നവരുമാണ്. ഏറ്റെടുത്ത കാര്യങ്ങൾ  ഉത്തരവാദിത്വത്തോടെ  ചെയ്തു തീര്‍ക്കുന്നവരാണ്.
 
സൂര്യദേവന് പ്രാധാന്യമുള്ള ദിവസമാണ് ഞായർ. അതുകൊണ്ടുതന്നെ ആ ദിവസം ജനിക്കുന്നവർ എല്ലാ കാര്യങ്ങളിലും ശോഭിക്കുന്നവരാണ്. ഇവർക്ക് പ്രാധാന്യം നൽകുന്നവരെ മാത്രമേ ഇവർ സുഹൃത്തുക്കളാക്കൂ. എല്ലാ കാര്യങ്ങളിലും ഒന്നാമതാകാൻ ശ്രമിക്കും. കഠിനാധ്വാനി ആയിരിക്കും.

Share this Story:

Follow Webdunia malayalam

അടുത്ത ലേഖനം

ശ്രീ കൃഷ്ണന്റെ ചിത്രങ്ങൾ വീട്ടിൽ വെച്ചാൽ?