കായികരംഗത്തെ ഓസ്‌കർ എന്നറിയപ്പെടുന്ന ലോറസ് പുരസ്‌കാരങ്ങൾ പ്രഖ്യാപിച്ചു. ടെന്നീസ് താരമായ സ്പെയിനിന്റെ റാഫേൽ നദാൽ ഏറ്റവും മികച്ച പുരുഷ കായിക താരമായപ്പോൾ ടെന്നീസ് താരമായ ജപ്പാന്റെ നവോമി ഒസാക്കയാണ് മികച്ച വനിതാ കായികതാരം.
അതേസമയം ലോകത്തെ ഏറ്റവും മികച്ച ടീമിനുള്ള പുരസ്കാരം ജർമൻ ഫുട്‌ബോൾ ക്ലബായ ബയേൺ മ്യൂണിച്ച് സ്വന്തമാക്കി. ഫോർമുല വൺ ചാമ്പ്യനായ ലൂയിസ് ഹാമിൽട്ടണനാണ് ഈ വർഷത്തെ സാമൂഹിക പ്രതിബദ്ധതയുള്ള മികച്ച കായികതാരത്തിനുള്ള പുരസ്കാരം നേടിയത്. മികച്ച സ്പോർട്ടിംഗ് ഇൻസ്പിരേഷനൽ താരത്തിനുള്ള പുരസ്കാരം ലിവർപൂൾ താരം മൊഹമ്മദ് സലാ സ്വന്തമാക്കി.
സമഗ്രസംഭാവനയ്‌ക്കുള്ള പുരസ്കാരം അമേരിക്കൻ ടെന്നീസ് ഇതിഹാസമായ ബില്ലി ജീൻ കിംഗിനാണ്.
