യു എസ് ഓപ്പൺ: ബൊപ്പണ്ണ- അൽദില സഖ്യം സെമിയിൽ

Rohan boppanna

ഇന്ത്യയുടെ വെറ്ററന്‍ ടെന്നീസ് ഇതിഹാസം രോഹന്‍ ബൊപ്പണ്ണയും ഇന്തോനേഷ്യന്‍ താരം അല്‍ദില സുത്ജിയാദിയും ചേര്‍ന്ന സഖ്യം യുഎസ് ഓപ്പണ്‍ ടെന്നീസ് മിക്‌സഡ് ഡബിള്‍സ് സെമി ഫൈനലില്‍. മാത്യു എബ്ഡന്‍- ബാര്‍ബറ ക്രെജിക്കോവ സഖ്യത്തെ ക്വാര്‍ട്ടറില്‍ വീഴ്ത്തിയാണ് ഇന്ത്യ- ഇന്തോനേഷ്യന്‍ സഖ്യത്തിന്റെ മുന്നേറ്റം.

മൂന്ന് സെറ്റുകള്‍ നീണ്ട വാശിയേറിയ പോരാട്ടത്തിനൊടുവിലായിരുന്നു ബോപ്പണ്ണ സഖ്യത്തിന്റെ വിജയം. ആദ്യ സെറ്റ് ടൈബ്രേക്കറിലാണ് നിര്‍ണയിക്കപ്പെട്ടത്. സ്‌കോര്‍ 7-6(7-4), 2-6, 10-7. സെമിയില്‍ ടെയ്ലര്‍ ടൗണ്‍സെന്‍ഡ്- ഡൊണാള്‍ഡ് യങ് സഖ്യത്തെയാകും ബോപ്പണ്ണ സഖ്യം നേരിടുക.