കാത്തിരിപ്പിന് വിരാമം; അത്യുഗ്രൻ ഫീച്ചറുകളുമായി ഷവോമി റെഡ്മി നോട്ട് 5 വിപണിയിലേക്ക് !

ഷവോമിയുടെ റെഡ്മി നോട്ട് 5 ഉടന്‍എത്തും

ഇന്ത്യന്‍ സ്മാര്‍ട്ട്ഫോണ്‍ വിപണിയില്‍ ഏറെ പ്രിയങ്കരമായ മോഡലുകളാണ് ഷവോമിയുടെ റെഡ്മി സീരിസുകള്‍. ഇപ്പോള്‍ ഇതാ ഷവോമിയുടെ ഏറ്റവും പുതിയ മോഡലായ റെഡ്മി നോട്ട് 5 വിപണിയിലെത്തുന്നതായുള്ള റിപ്പോര്‍ട്ടുകള്‍ പുറത്തുവന്നിരിക്കുന്നു. റിപ്പോര്‍ട്ട് പ്രകാരം ഷവോമി പുറത്തിറക്കുന്ന ഏറ്റവും വിലകുറഞ്ഞതും അത്യുഗ്രൻ ഫീച്ചറുകളുള്ളതുമായ ഹാൻഡ്സെറ്റായിരിക്കും റെഡ്മി നോട്ട് 5. 

5.5 ഇഞ്ച് 1080 ഐ.പി.എസ് ഡിസ്പ്ലേയുമായാണ് ഫോണ്‍ എത്തുക. ആൻഡ്രോയ്ഡ് 7 നൂഗട്ടില്‍ പ്രവര്‍ത്തിക്കുന്ന ഈ ഫോണില്‍ 16 മെഗാപിക്സല്‍ പിന്‍ക്യാമറ, 5 എം പി സെല്‍ഫി ക്യാമറ, 3790 എം.എ.എച്ച്‌ ബാറ്ററി, സ്നാപ് ഡ്രാഗണ്‍ 630 പ്രൊസസര്‍ എന്നീ ഫീച്ചറുകളുമായെത്തുന്ന ഫോണ്‍ ഉടന്‍ തന്നെ വിപണിയിലേക്കെത്തും.