എല്‍ജിയുടെ ഏറ്റവും പുതിയ മോഡല്‍ സ്മാര്‍ട്ട്ഫോണ്‍ വിപണിയിലേക്കെത്തുന്നു. എല്‍ജി ജി 6ന്റെ പിന്‍ഗാമിയായി എത്തുന്ന ഈ ഫോണിലെ ഫീച്ചറുകളിലൊന്നും വലിയ തരത്തിലുള്ള മാറ്റങ്ങള്‍ ഉണ്ടായിരിക്കില്ലെന്നാണ് റിപ്പോര്‍ട്ടുകളില്‍ പറയുന്നത്.
5.7 ഇഞ്ച് ക്യൂഎച്ച്‌ഡി ഡിസ്പ്ലേയുമായി എത്തുന്ന ഫോണില്‍ സ്നാപ്ഡ്രാഗണ്‍ 845 പ്രൊസസറാണ് ഉള്‍പ്പെടുത്തിയിരിക്കുന്നത്. 13എം‌പി/13എം‌പി ഡ്യൂവല്‍ പിന്‍ ക്യാമറയുമായെത്തുന്ന ഈ ഫോണില്‍ 13 മെഗാപിക്സലിന്‍റെ സെല്‍ഫി ക്യാമറയും ഉള്‍പ്പെടുത്തിയിരിക്കുന്നു.
ആന്‍ഡ്രോയ്ഡ് 7.0 നൂഗട്ടിലാണ് പ്രവര്‍ത്തിക്കുന്ന ഈ ഫോണില്‍ 4ജിബി/6 ജിബി റാം, 32ജിബി/64ജിബി ഇന്‍റേര്‍ണല്‍ സ്റ്റോറേജ്, 3600 എം‌എ‌എച്ച് ബാറ്ററി, ഫിംഗര്‍ പ്രിന്റ് സെന്‍സര്‍ എന്നിങ്ങനെയുള്ള എല്ലാ ഫീച്ചറുകളുമുണ്ട്. ഏകദേശം 59,990 രൂപയായിരിക്കും ഫോണിന്റെ വിലയെന്നാണ് റിപ്പോര്‍ട്ട്.