മാഗ്നൈറ്റ് ബി-എസ്‌യുവിയുടെ വണിജ്യാടിസ്ഥാനത്തിലുള്ള നിർമ്മണം ആരംഭിച്ച് ജാപ്പനിസ് വാഹന നിർമ്മാതാക്കളായ നിസ്സാൻ. ചെന്നൈയിലെ പ്ലാന്റിലാണ് വാഹനത്തിന്റെ നിർമ്മാണം പുരോഗമിയ്ക്കുന്നത്. ഇന്ത്യയിൽ നിർമ്മിച്ച് മറ്റു രാജ്യങ്ങളിലേയ്ക്കും മഗ്നൈറ്റിനെ നിസാൻ കയറ്റി അയയ്ക്കും. വാഹനത്തിന്റെ പ്രോഡക്ഷൻ മോഡൽ ദിവസങ്ങൾക്ക് മുൻപ് ഇന്ത്യൻ വിപണിയിൽ പ്രദർശിപ്പിച്ചിരുന്നു. പ്രധാനമായും ഇന്ത്യൻ വിപണിയ്ക്കായി പ്രത്യേകം രൂപകൽപ്പന ചെയ്ത കോംപാക്ട് എസ്‌യുവിയാണ് നിസ്സാൻ മാഗ്നൈറ്റ്.
നിസാന്റെ പുതിയ ലോഗോയിൽ ഇന്ത്യയിൽ പുറത്തിറങ്ങുന്ന ആദ്യ വാഹനമായിരിയ്ക്കും ഇത്. കഴ്ചയിൽ കരുത്ത് തോന്നുന്ന ഡിസൈനാണ് മാഗ്നൈറ്റിന് നൽകിയിരിയ്ക്കുന്നത്. വലിയ ഗ്രില്ലിന്റെ ഡിസൈനാണ് ഇതിൽ ഏറ്റവും പ്രധാനം, വശങ്ങളിലും ഈ കരുത്തൻ ഡിസൈൻ ശൈലി വ്യക്തമാണ്. റെനോയുടെ എച്ച്‌ബിസി കൺസെപ്റ്റിൽനിന്നും പ്രചോദനം ഉൾക്കൊണ്ടാണ് നിസാൻ പുതിയ വാഹനം ഒരുക്കുന്നത്. നാലുമീറ്ററിൽ താഴെ വലിപ്പമുള്ള വാഹനം റെനോ ട്രൈബർ ഒരുക്കിയിരിയ്ക്കുന്ന സിഎംഎഫ്എ പ്ലാറ്റ്ഫോമിലാണ് ഒരുക്കിയിരിയ്ക്കുന്നത്.
റെനോ ട്രൈബറിലെ 1.0 ലിറ്റർ 3 സിലിണ്ടർ ടർബോ പെട്രോൾ എഞ്ചിൻ ആയിരിയ്ക്കും വാഹനത്തിന് കരുത്തുപകരുക. 95 എച്ച്‌പി. കരുത്ത് ഉത്പാദിപ്പിയ്ക്കാൻ ഈ എഞ്ചിനാകും. 72 ബിഎച്ച്‌പി കരുത്തു സൃഷ്ടിക്കുന്ന നാച്ചുറലി ആസ്പിറേറ്റഡ് പെട്രോള്‍ എന്‍ജിന്‍ പതിപ്പിലൂം വാഹനം എത്തിയേക്കും. മാരുതി സുസൂക്കിയുടെ വിറ്റാര ബ്രെസ, ഹ്യൂണ്ടായ്‌യുടെ വെന്യു, മഹീന്ദ്രയുടെ എക്സ്‌യുവി 300 എന്നിവയായിരിക്കും ഇന്ത്യൻ വിപണിയിൽ നിസ്സാൻ മാഗ്നൈറ്റിന്റെ പ്രധാന എതിരാളികൾ.