പെട്രോളും ഡീസലും വേണ്ടാത്ത ബൈക്കുകളെ കുറിച്ച് നമ്മൾ കേട്ടിട്ടുണ്ട് കാരണം ഇത് ഇലക്ട്രിക് വാഹനങ്ങളുടെ കാലമാണല്ലോ. എന്നാൽ ഇത് മൂന്നും വേണ്ടാത്ത ഒരു ബൈക്കുമായി എത്തിയിരിക്കുകയാണ് ടിവിഎസ്. എഥനോൾ ഇന്ധനത്തിൽ പ്രവർത്തിക്കുന്ന അപ്പാചെ വേരിയന്റിനെയാണ് ടിവിഎസ് വിപണിയിൽ എത്തിച്ചിരിക്കുന്നത്. 1.20 ലക്ഷമാണ് വാഹനത്തിന്റെ വില
അപാച്ചെ ആർടിആർ 200 എഫ്ഐ ഇ100 എന്നാണ് വാഹനത്തിന്റെ പേര്. കഴിഞ്ഞ ഓട്ടോ എക്സ്‌പോയിലാണ് സ്വപ്ന വാഹനത്തെ ടിവിഎസ് ആദ്യമായി അവതരിപ്പിച്ചത്. ഇന്ധന ലഭ്യത കണക്കിലെടുത്ത് മഹരാഷ്ട്ര, ഉത്തർപ്രദേശ്, കർണാടക എന്നിവിടങ്ങളിൽ മാത്രമാണ് നിലവിൽ വാഹനം വിൽപ്പനക്കെത്തുക.
കാഴ്ചയിൽ റഗുലർ അപ്പാചെ ആർടിആർ 200ന് സമാനമാണ് എഥനോൾ അപ്പാചെയും. പരിസ്ഥിതി സൗഹാർദ്ദത്തെ സൂചിപ്പിക്കുന്ന പച്ച നിറത്തിലുള്ള ബോഡി ഗ്രാഫിക്സും. ഇന്ധനം എഥനോളാണ് എന്ന് സൂചിപ്പിക്കുന്ന പ്രത്യേക ലോഗോയും മാത്രമാണ് വ്യത്യാസം.
8500 ആർപിഎമ്മിൽ 20.7 ബിഎച്ച്‌പി കരുത്തും 7000 ആർപി എമ്മിൽ 18.1 എൻഎം ടോർക്കും സൃഷ്ടിക്കുന്ന E100 200 സിസി സിംഗിള്‍ സിലിണ്ടര്‍ എഞ്ചിനാണ് വാഹനത്തിൽ നൽകിയിരിക്കുന്നത്. 5 സ്പീഡ് ഗിയർബോക്സാണ് വാഹനത്തിൽ ഉള്ളത്. 129 കിലോമീറ്ററാണ് വാഹനത്തിന്റെ പരമാവധി വേഗത.
