ബജറ്റ് സ്മാർട്ട്ഫോൺ വിപണിയിൽ വെന്നിക്കൊടി പാറിക്കാന്‍ ഷവോമി റെഡ്മീ 4എ !
ഷവോമി റെഡ്മീ 4എ തിങ്കളാഴ്ച വിപണിയിലെത്തും
ചൈനീസ് സ്മാര്‍ട്ട്ഫോണ്‍ നിര്‍മാതാക്കളായ ഷവോമിയുടെ ഏറ്റവും പുതിയ മോഡൽ റെഡ്മീ 4എ വിപണിയിലേക്കെത്തുന്നു. ഓൺലൈൻ ഷോപ്പിങ്ങ് സൈറ്റായ ആമസോൺ വഴി തിങ്കളാഴ്ച മുതലായിരിക്കും ഫോണിന്റെ വില്പന ആരംഭിക്കുക. എകദേശം 6000 രൂപയോളമായിരിക്കും ഫോണിന്റെ വിലയെന്നാണ് സൂചന.
സ്നാപ്ഡ്രാഗൺ പ്രോസസറാണ് ഈ ഫോണിന് കരുത്തേകുന്നത്. 2 ജിബി റാം, 16 ജിബി മെമ്മറി, 4ജി വോൾട്ട്, 13 മെഗാപിക്സല്‍ പിൻക്യാമറ, 5 മെഗാപിക്സല്‍ സെല്‍ഫിക്യാമറ, 3,120 എം എ എച്ച് ബാറ്ററി, ഫിംഗർപ്രിൻറ് സ്കാനർ എന്നീ സവിശേഷതകളെല്ലാം ആൻഡ്രോയിഡ് മാഷ്മല്ലോയില്‍ പ്രവര്‍ത്തിക്കുന്ന ഈ ഫോണിലുണ്ട്.
