ഒന്ന് ശ്രദ്ധിച്ചില്ലെങ്കിൽ നമ്മളെ ഒന്നാകെ അടിച്ചുമാറ്റി കൊണ്ടുപോകാൻ ആളുകൾ ഉണ്ടാകും. മനുഷ്യരിൽ മാത്രമല്ല മൃഗങ്ങളിളിലും, പക്ഷികളിലും വരെ ഇത്തരം സൂത്രശാലികൾ ഉണ്ട്. അത്തരം ഒരു വീഡിയോ ആണ് ഇപ്പോൾ സാമൂഹ്യ മാധ്യമങ്ങളിൽ ചിരി പടർത്തുന്നത്. നീർനായയെ കാഴ്ചക്കാരനാക്കിയ സൂത്രശാലിയായ കൊക്കാണ് വിഡിയോയിലെ താരം.
ഫ്ലോറിഡയിലെ സീ വേൾഡ് ഒർലാൻഡോ സുവോളജിക്കൽ പാർക്കിലാണ് രസകാമായ സംഭവം ഉണ്ടായത്. നീർനായക്ക് എറിഞ്ഞു കൊടുത്ത മീനിനെ പറന്നെത്തി കൊക്ക് തട്ടിയെടുക്കുകയായിരുന്നു. പാർക്ക് സന്ദർശിക്കാനെത്തിയ മെഗാൻ ബാബ്‌കോക്കാണ് ഈ വീഡിയോ പങ്കുവച്ചത്.
പാർക്കിൽ നിർനായകളെ പാർപ്പിച്ചിരിക്കുന്ന ഇടത്തെത്തിയപ്പോൾ മെഗാന്റെ സുഹൃത്ത് പാറക്കൂട്ടത്തിന് മുകളിൽ വിശ്രമിക്കുകയായിരുന്ന നീർനായക്ക് ഒരു എറിഞ്ഞുകൊടുക്കുകയായിരുന്നു. എന്നാൽ നീർനായയെ കാഴ്ചക്കാരനാക്കെ പറന്നെത്തിയ കൊക്ക് തന്ത്രപരമായി മത്സ്യത്തെ കൈക്കലാക്കി. വീഡിയോ സോഷ്യൽ മീഡിയയിൽ തരംഗമായി കഴിഞ്ഞു.
