കഴിഞ്ഞ വർഷം ഫെബ്രുവരിയിലാണ് മലയാള സിനിമയേയും കേരളക്കരയേയും ഞെട്ടിച്ച സംഭവം നടന്നത്. തൃശ്ശൂരില്‍ നിന്നും കൊച്ചിയിലേക്കുള്ള യാത്രമദ്ധ്യേ നടി ആക്രമിക്കപ്പെട്ടു. സംഭവത്തിൽ ആരോപണവിധേയനായ നടൻ ദിലീപിനെ പൊലീസ് അറസ്റ്റ് ചെയ്തത് മാസങ്ങൾക്കൊടുവിലാണ്. 3 മാസത്തെ ജയിൽ‌വാസത്തിന് ശേഷം നടൻ ജാമ്യത്തിലിറങ്ങി.
ഇപ്പോഴിതാ, നടി ആക്രമിക്കപ്പെട്ട കേസിൽ നടൻ ദിലീപിനെ കുടുക്കിയതാണെന്ന് നിർമാതാവും ദിലീപിന്റെ അടുത്ത കൂട്ടുകാരനുമായ സുരേഷ് കുമാർ പറയുന്നു. തന്റെ സിനിമയിലൂടെയാണ് ദിലീപ് അസിസ്റ്റന്റ് ഡയറക്ടറായി തുടക്കം കുറിച്ചത്. വളരെക്കാലമായി അദ്ദേഹത്തെ തനിക്ക് നന്നായി അറിയാം. ഇങ്ങനെ മോശപ്പെട്ട കാര്യത്തിന് ദിലീപ് പോവില്ലെന്ന് സുരേഷ് കുമാർ പറയുന്നു.
നടിയെ വളരെയധികം ഇഷ്ടപ്പെടുന്നയാളാണ് താന്‍. അവരെ വിളിച്ചിരുന്നു, ആ കുട്ടിയോട് നൂറ് ശതമാനം സങ്കടമുണ്ട്. ഇതിന് പിന്നില്‍ പ്രവര്‍ത്തിച്ച പള്‍സര്‍ സുനി ക്രിമിനല്‍ ബാക്ക് ഗ്രൗണ്ടുള്ളവനാണ്. പള്‍സര്‍ സുനിയെപ്പോലൊരാള്‍ ഇതും ചെയ്യും ഇതിലധികവും ചെയ്യും. പക്ഷേ, ദിലീപിന് ഇതിൽ യാതോരു പങ്കുമില്ലെന്ന് വിശ്വസിക്കുന്ന ആളാണ് താനെന്ന് സുരേഷ് കുമാർ പറയുന്നു.
