'തഴമ്പാണ് വില്ലൻ'; തെങ്ങ് കയറാൻ ആളെ കിട്ടാത്തതിന് കാരണം കണ്ടെത്തി മന്ത്രി ഇ പി ജയരാജൻ

സൗന്ദര്യ ശാസ്ത്രമാണ് തെങ്ങ് കയറ്റത്തിൽ നിന്ന് യുവാക്കളെ പിൻതിരിപ്പിക്കുന്നതെന്നാണ് മന്ത്രിയുടെ കണ്ടുപിടുത്തം.

പുതിയ തലമുറയിൽ ആരും തെങ്ങ് കയറ്റം ഉപജീവനമാക്കാത്തതിന്റെ കാരണം കണ്ടെത്തിയിരിക്കുകയാണ് വ്യവസായമന്ത്രി ഇ പി ജയരാജൻ. സൗന്ദര്യ ശാസ്ത്രമാണ് തെങ്ങ് കയറ്റത്തിൽ നിന്ന് യുവാക്കളെ പിൻതിരിപ്പിക്കുന്നതെന്നാണ് മന്ത്രിയുടെ കണ്ടുപിടുത്തം. 

സൗന്ദര്യം പോകുമോയെന്ന് ഭയന്ന് യുവാക്കൾ ഈ തൊഴിൽ മേഖല വിട്ടൊഴിയുന്നുവെന്നാണ് മന്ത്രിയുടെ വാദം. തെങ്ങുകയറ്റക്കാർക്ക് കൈകാലുകളിൽ തഴമ്പ് ഉണ്ടാകും.ഇത്തരക്കാരെ വിവാഹം ചെയ്യാൻ പെൺകുട്ടികൾ ആഗ്രഹിക്കില്ല. ഇത് ഭയന്നാണത്രേ യുവാക്കൾ തെങ്ങ് കയറാത്തത്.