വെബ് സീരീസുകളുടെ കാലമാണിത്. അത്തരത്തിൽ ആളുകളിൽ പെട്ടന്ന് തന്നെ ഇഷ്ട സീരിസായി മാറിയ ടീമാണ് കരിക്ക്. കരിക്ക് ടീം ഇറക്കുന്ന സീരീസുകൾക്കെല്ലാം ആരാധകർ ഏറെയാണ്. സാധാരണക്കാരുടെ ജീവിതവുമായി ഏറെ അടുത്ത് നിൽക്കുന്ന സ്റ്റോറികളും സംഭാഷണങ്ങളുമാണ് കരിക്കിന്റെ പ്രത്യേകത. കരിക്കിന്റെ അടുത്ത എപ്പിസോഡിനായി കാത്തിരിക്കുന്ന അവസ്ഥയിലേക്ക് വരെ കാര്യങ്ങളെത്തി.
കരിക്കിന്റെ നട്ടെല്ല് അതിൽ അഭിനയിക്കുന്നവർ തന്നെയാണ്. കരിക്കിൽ നിരവധി പേരുണ്ടെങ്കിലും പ്രധാന കഥാപാത്രങ്ങളിൽ ജോർജ്, ലോലൻ എന്നിവർക്കാണ് ഏറ്റവും അധികം ഫാൻസുള്ളത്. അനു കെ അനിയൻ എന്ന കായം‌കുളത്ത് കാരനാണ് ജോർജായി എത്തുന്നത്.
വലിയൊരു ഫാൻ‌ബേസ് ഉണ്ടാക്കിയെടുക്കാൻ ഇതിനോടകം അനുവിന് കഴിഞ്ഞിട്ടുണ്ട്. മിഥുൻ മാനുവൽ തോമസ് സംവിധാനം ചെയ്തത അർജന്റീന ഫാൻസ് കാട്ടൂർക്കടവ് എന്ന ചിത്രത്തിൽ അനു അഭിനയിച്ചിട്ടുണ്ട്. കഴിഞ്ഞ ദിവസം പുറത്തു വന്ന എപ്പിസോഡിൽ ബംഗാളിയായിട്ടാണ് അനു അഭിനയിച്ചത്.
ഇതിനു മുന്നേ അപ്പാപ്പനായിട്ടും സ്കൂൾ പയ്യനായിട്ടും യൂത്തനായിട്ടും എല്ലാം അനു കരിക്കിൽ നിറഞ്ഞാടിയിട്ടുണ്ട്. ഏത് റോളാണെങ്കിലും അത് പെർഫെക്ട് ആയിട്ട് അവതരിപ്പിക്കുന്നതിൽ അനുവിനെ കഴിഞ്ഞേ മറ്റാരും ഉള്ളുവെന്ന് സോഷ്യൽ മീഡിയ ഒന്നടങ്കം പറയുന്നു.