മലയാളികളെ ഒന്നടങ്കം കണ്ണീരിലാഴ്ത്തിയ ആ ദിവസത്തിന് ഇന്നേക്ക് മൂന്ന് വർഷം തികയുന്നു. മണി മരിച്ച് മൂന്ന് വര്‍ഷം തികയുമ്പോള്‍ മരണകാരണം ഇപ്പോഴും ദുരൂഹതയായി തുടരുന്നു. മണിയുടെ മൂന്നാം ചരമവാർഷികത്തിന് അദ്ദേഹത്തിന് ആദരവർപ്പിക്കുകയാണ് സിനിമാലോകം.
ഓർമകളിലെന്നും ഈ മണിനാദം, മമ്മൂട്ടി ഫേസ്ബുക്കുൽ കുറിച്ചു. വിതുമ്പലോടെയാണ് നടന്‍ മമ്മൂട്ടി മണിയുമൊത്തുള്ള നിമിഷങ്ങള്‍ അദ്ദേഹത്തിന്റെ വേർപാടിനു ശേഷം ഓര്‍ത്തെടുക്കുന്നത്. ‘സഹോദരനായി മണി തന്നേയും താന്‍ മണിയേയും സ്‌നേഹിച്ചിരുന്നു. ആ ഓര്‍മ എന്നും മനസില്‍ സൂക്ഷിക്കാനാണ് തനിക്ക് ഇഷ്ടം. ഒരു ഞെട്ടലോടെ മാത്രമാണ് മണിയുടെ മരണം തനിക്ക് ഓര്‍ക്കാനാകൂവെന്നും‘- മമ്മൂട്ടി അദ്ദേഹത്തിന്റെ മരണശേഷമുള്ള അനുസ്മര ചടങ്ങിൽ പറയുകണ്ടായി. അതിന്റെ വീഡിയോയും ഇപ്പോൾ സോഷ്യൽ മീഡിയകളിൽ വൈറലാകുന്നുണ്ട്.
സഹോദരൻ ആർഎൽവി രാമകൃഷ്ണനാണ് മണിയുടേത് സ്വാഭാവിക മരണമല്ലെന്നും കൊലപാതകമാണെന്നും ആരോപണം ഉന്നയിച്ചത്. ആന്തരിക അവയവങ്ങളുടെ പരിശോധനയിൽ വിഷാംശം കണ്ടെത്തിയത് ദുരൂഹതയ്ക്ക് ബലം കൂട്ടി. വിശദമായ തെളിവുകൾ ലഭിച്ചില്ലെങ്കിൽ സ്വാഭാവിക മരണമായി സിബിഐയും കേസ് എഴുതി തള്ളും.