അവനെ തിരിച്ചുവിളിക്കാൻ ശ്രമിച്ചു, പക്ഷേ അപ്പോഴേക്കും പ്രിയങ്ക തട്ടിയെടുത്തിരുന്നു: നിക്ക് ജൊനാസിന്റെ മുൻ‌കാമുകി പറയുന്നു
പ്രിയങ്ക ബോളിവുഡിലെ സൂപ്പർതാരമല്ലേ, മത്സരിക്കാൻ ഞാനാര്?: നിക്ക് ജൊനാസിന്റെ മുൻ‌കാമുകി പറയുന്നു
ബൊളിവുഡ് സുന്ദരി പ്രിയങ്ക ചോപ്രയും അമേരിക്കന്‍ ഗായകനും നടനുമായ നിക് ജോനാസും പ്രണയത്തിലാണെന്ന് വാർത്തകൾ വന്നിരുന്നു. എന്നാൽ, ഗോസിപ്പുകളോട് മുഖംതിരിക്കുകകയാണ് ഇരുവരും ചെയ്തത്. ഇപ്പോഴിതാ, വാർത്തകൾ സത്യമാണെന്ന് വെളിപ്പെടുത്തിയിരിക്കുകയാണ് നികിന്റെ മുന്‍ കാമുകി ഡെല്‍റ്റ് ഗൂഡ്രം.
ഒരു മാസികയ്ക്ക് നല്‍കിയ അഭിമുഖത്തിലാണ് ഡെല്‍റ്റ് ഗൂഡ്രം പ്രിയങ്കനിക് പ്രണയത്തെക്കുറിച്ച് സംസാരിച്ചത്. നികുമായി അഭിപ്രായവ്യത്യാസങ്ങള്‍ ഉണ്ടായിരുന്നു. പറഞ്ഞ് പരിഹരിക്കാമെന്ന് ആഗ്രഹിച്ചു. അടുത്ത കാലത്ത് നിക്ക് ഓസ്‌ട്രേലിയയില്‍ എത്തിയപ്പോള്‍ സംസാരിക്കാൻ ശ്രമിച്ചെങ്കിലും അപ്പോഴേക്കും പ്രിയങ്കയുമായി നിക് പ്രണയത്തിലായി.
ബോളിവുഡിലെ സൂപ്പര്‍താരവുമായി തനിക്ക് മത്സരിക്കാന്‍ കഴിയില്ലെന്നും ഓസ്‌ട്രേലിയന്‍ ഗായികയായ ഡെല്‍റ്റ നിരാശയോടെ പറഞ്ഞു. 2011 മുതല്‍ നിക്കും ഡെല്‍റ്റയും തമ്മില്‍ പ്രണയത്തിലായിരുന്നു. അടുത്തിടെയാണ് ഇരുവരും പിരിഞ്ഞത്.
മുപ്പത്തിയഞ്ചുകാരിയായ പ്രിയങ്ക തന്നെക്കാള്‍ പത്തു വയസ് കുറവുള്ള നിക്കിനെ പ്രണയിക്കുന്നതില്‍ ഒരു വിഭാഗം രംഗത്തുവന്നിട്ടുണ്ട്. എന്നാല്‍ പ്രണയത്തിന് എന്ത് പ്രായം എന്ന് പറഞ്ഞാണ് ഇവരുടെ ആരാധകര്‍ വിമര്‍ശകരുടെ വായടപ്പിക്കുന്നത്.
