ഒരു സീനെടുക്കാൻ എട്ട് മണിക്കൂർ, ചിലവ് 1 ലക്ഷം രൂപ; മലയാളികളുടെ വെഡ്ഡിംഗ് വീഡിയോ ഷൂട്ട് രാജ്യം കടന്നും വൈറലായി

ഈ വെഡ്ഡിംഗ് വീഡിയോയുടെ ഒറ്റ സീനിനായി എട്ടു മണിക്കൂറിലധികം വേണ്ടി വന്നു.

ആലപ്പുഴ സ്വദേശികളായ അഭിജിത്തിന്റെയും നയനയുടെയും കല്യാണ വീഡിയോ ഷൂട്ടാണ് ഇപ്പോള്‍ ശ്രദ്ധനേടിയിരിക്കുന്നത്. വീഡിയോ ചിത്രീകരിക്കുന്നതിനായി നടത്തിയ കഷ്ടപ്പാട് ഇപ്പോള്‍ ബിബിസി വരെ വാര്‍ത്ത ആക്കിയിരിക്കുകയാണ്.ഈ വെഡ്ഡിംഗ് വീഡിയോയുടെ ഒറ്റ സീനിനായി എട്ടു മണിക്കൂറിലധികം വേണ്ടി വന്നു. മാത്രമല്ല ഫോട്ടോഗ്രാഫറുടെ വീട്ടിലെ കുളത്തില്‍ സെറ്റിട്ട് ചെയ്ത വീഡിയോ ഷൂട്ടിലെ ഈ സീനിന് മാത്രം ഒരു ലക്ഷം രൂപയാണ് ചെലവായത്.

ഇത്രയും കാശ് മുടക്കിയുള്ള ഷൂട്ടിനെ നടത്തുന്നതിനെ പലരും എതിര്‍ത്തിരുന്നുവെന്ന് നയന ബിബിസിയോട് പറയുന്നത്.കാശ് ഒരു പ്രശ്നമല്ലായിരുന്നുവെങ്കില്‍ വിദേശരാജ്യങ്ങളിലൊക്കെ പോയി ഷൂട്ട് ചെയ്യാനായിരുന്നു തങ്ങളുടെ ആഗ്രഹമെന്നും നയന പറയുന്നു. എന്നാല്‍ വിവാഹ വീഡിയോ എങ്ങനെ വ്യത്യസ്തമാക്കാം എന്നതാണ് തങ്ങള്‍ ആലോചിച്ചതെന്നുംഇതിനായി ബന്ധുക്കളുടെയും സുഹൃത്തുക്കളുടെയുമടക്കം ഒരുപാടു പേരുടെ വിവാഹ വീഡിയോകളും ആല്‍ബവും കണ്ടിരുന്നുവെന്നും ഇവര്‍ വ്യക്തമാക്കി.