2024 ബോളിവുഡിലെ രണ്ട് ഉയര്‍ന്ന ഗ്രോസറുകള്‍ ദീപികയുടെ പേരിലാണ്. കഴിഞ്ഞ രണ്ടു വര്‍ഷത്തിനിടെ നടി അഭിനയിച്ച നാല് സിനിമകള്‍ ചേര്‍ന്ന് 3200 കോടിയാണ് നേടിയത്. ഇന്ത്യന്‍ സിനിമയിലെ ഒരു താരത്തിനും സ്വന്തമാക്കാന്‍ ആവാത്ത അത്രയും വലിയ തുകയാണിത്.
2023-ല്‍ പഠാനിലൂടെയാണ് ദീപിക ഈ ജൈത്രയാത്ര തുടങ്ങിയത്. ആഗോളതലത്തില്‍ ആയിരം കോടിയില്‍ അധികം സിനിമ നേടി. ദീപികയുടെ ആദ്യത്തെ ആയിരം കോടി ചിത്രവുമായിരുന്നു ഇത്. രണ്ടാമത്തെ സിനിമ ജവാനായിരുന്നു. പഠാനേക്കാള്‍ വലിയ വിജയം നേടി ജവാന്‍. 1100 കോടിയിലേറെ സ്വന്തമാക്കി ജവാന്‍ നടിയുടെ കരിയര്‍ ബെസ്റ്റാണ്.ഈ വര്‍ഷം ഫൈറ്ററും ഇപ്പോള്‍ കല്‍ക്കി 2898 എഡിയും വന്നതോടെ ദീപികയെ വെല്ലാന്‍ മറ്റാരുമില്ല.
ദീപികയ്ക്ക് പിന്നിലാണ് ബോളിവുഡ് കിംഗ് ഷാരൂഖ് ഖാന്‍. 2700 കോടിയാണ് 2 വര്‍ഷത്തിനിടെ ഷാരൂഖ് ചിത്രങ്ങള്‍ കളക്ട് ചെയ്തത്.
