അനശ്വര രാജന്റെ 'വ്യസനസമേതം ബന്ധുമിത്രാദികൾ' ഉടൻ റിലീസിന്

അനശ്വര രാജൻ നായികയായി എത്തുന്ന പുതിയ ചിത്രമാണ് 'വ്യസനസമേതം

ബന്ധുമിത്രാദികൾ'. സിനിമ ജൂൺ 13ന് തിയറ്ററുകളിൽ എത്തുന്നു. ഒരു മരണ വീട്ടിൽ നടക്കുന്ന സംഭവ വികസങ്ങളിലൂടെയാണ് സിനിമ മുന്നേറുന്നത്. എസ് വിപിൻ ആണ് തിരക്കഥയെഴുതി സിനിമ സംവിധാനം ചെയ്തിരിക്കുന്നത്. 'വാഴ' എന്ന സൂപ്പർ ഹിറ്റ് ചിത്രത്തിന് ശേഷം ഡബ്ല്യുബിടിഎസ് പ്രൊഡക്ഷൻസ്, തെലുങ്കിലെ പ്രശസ്ത‌ നിർമ്മാണ കമ്പനിയായ ഷൈൻ സ്ക്രീൻസ് സിനിമയുമായി സഹകരിച്ചാണ് സിനിമ നിർമ്മിക്കുന്നത്.

വിപിൻ ദാസ്, സാഹു ഗാരപാട്ടി എന്നിവർ ചേർന്ന് നിർമ്മിക്കുന്ന ചിത്രം 'വാഴ'യ്ക്ക് ശേഷം വിപിൻ ദാസ് നിർമ്മിക്കുന്ന ചിത്രമെന്ന നിലയിൽ യുവ കുടുംബ പ്രേക്ഷകർക്ക് ഏറെ പ്രതീക്ഷ നൽകുന്നു. അനശ്വര രാജൻ, മല്ലിക സുകുമാരൻ എന്നിവരെ കൂടാതെ ബൈജു സന്തോഷ്, അസീസ് നെടുമങ്ങാട്, സിജു സണ്ണി, ജോമോൻ ജ്യോതിർ, നോബി എന്നിവരാണ് ചിത്രത്തിലേ മറ്റ് താരങ്ങൾ.

സിനിമയുടെ പ്രൊമോഷൻ വർക്കുകൾ ഒന്നും ഇതുവരെ ആരംഭിച്ചിട്ടില്ല. ഉടൻ ആരംഭിക്കുമെന്നാണ് കരുതുന്നത്. കുറഞ്ഞ കാലം കൊണ്ടുതന്നെ മലയാളത്തിലെ മികച്ച നടിമാരിൽ ഒരാളായി മാറിയ ആളാണ് അനശ്വര. കൈയ്യടക്കത്തോടെയുള്ള പക്വതയാർന്ന അഭിനയമാണ് അനശ്വരയെ മറ്റ് നടിമാരിൽ നിന്നും വ്യത്യസ്തയാക്കുന്നത്. ജീത്തു ജോസഫിന്റെ സംവിധാനത്തിൽ മോഹൻലാൽ നായകനായ നേര് എന്ന സിനിമയാണ് അനശ്വരയുടെ കരിയറിൽ തന്നെ വൻ വഴിതിരിവുണ്ടാക്കിയ ചിത്രം.