Select Your Language

Notifications

webdunia
webdunia
webdunia
webdunia

ചന്ദ്രനുദിക്കുന്ന ദിക്കില്‍ അഭിനയിക്കുമ്പോള്‍ കാവ്യയുടെ പ്രായം എത്ര? ദിലീപിനേക്കാള്‍ 18 വയസ് കുറവ് !

Chandranudhikkunna dhikkil
, ചൊവ്വ, 24 ഓഗസ്റ്റ് 2021 (12:02 IST)
ബാലതാരമായി വന്ന് മലയാള സിനിമയില്‍ തന്റേതായ സ്ഥാനം നേടിയെടുത്ത നടിയാണ് കാവ്യ മാധവന്‍. ചന്ദ്രനുദിക്കുന്ന ദിക്കില്‍ ആണ് കാവ്യയെ ആദ്യമായി നായികയാക്കുന്നത്. 1999 ല്‍ പുറത്തിറങ്ങിയ ചന്ദ്രനുദിക്കുന്ന ദിക്കില്‍ അക്കാലത്ത് സൂപ്പര്‍ഹിറ്റായിരുന്നു. കാവ്യയുടെ രാധ എന്ന കഥാപാത്രം ഏറെ ശ്രദ്ധിക്കപ്പെട്ടു. ദിലീപ് ആയിരുന്നു ചിത്രത്തില്‍ നായകന്‍. 
 
ചന്ദ്രനുദിക്കുന്ന ദിക്കില്‍ അഭിനയിക്കുമ്പോള്‍ കാവ്യയ്ക്ക് എത്ര വയസ്സുണ്ടെന്ന് അറിയാമോ? അന്ന് കാവ്യ ഒന്‍പതാം ക്ലാസിലാണ് പഠിക്കുന്നത്. 14 വയസ് കഴിഞ്ഞിട്ടേയുള്ളൂ ! വിശ്വസിക്കാന്‍ കഴിയുന്നില്ലല്ലേ? ക്ലൈമാക്‌സ് സീനില്‍ അടക്കം അതിഗംഭീരമായാണ് രാധ എന്ന കഥാപാത്രത്തിനു കാവ്യ പൂര്‍ണത നല്‍കിയത്. മാത്രമല്ല, ചന്ദ്രനുദിക്കുന്ന ദിക്കില്‍ കാവ്യയുടെ നായകനായി അഭിനയിച്ച ദിലീപിന് അന്ന് പ്രായം 32 ആയിരുന്നു. അതായത് ദിലീപും കാവ്യയും തമ്മില്‍ 18 വയസ്സിന്റെ വ്യത്യാസമുണ്ടായിരുന്നു. 
 
1999 ലായിരുന്നു ലാല്‍ ജോസിന്റെ സംവിധാനത്തില്‍ ചന്ദ്രനുദിക്കുന്ന ദിക്കില്‍ റിലീസിനെത്തുന്നത്. ദിലീപ്, കാവ്യ മാധവന്‍, സംയുക്ത വര്‍മ്മ, ബിജു മേനോന്‍, ലാല്‍, ജഗദീഷ് എന്നിവരായിരുന്നു ചിത്രത്തിലെ പ്രധാന താരങ്ങള്‍. ബാബു ജനാര്‍ദ്ധനനായിരുന്നു സിനിമയ്ക്ക് തിരക്കഥ ഒരുക്കിയത്.
 

Share this Story:

Follow Webdunia malayalam

അടുത്ത ലേഖനം

സംയുക്ത വര്‍മ വീണ്ടും സിനിമയിലേക്ക് തിരിച്ചെത്തുമോ ? ബിജുമേനോന് പറയാനുള്ളത് ഇതാണ്