താരസിംഹാസനത്തിന്‍ ഇരിപ്പുറപ്പിച്ച് മോഹന്‍ലാല്‍; നിമിത്തമായി ഡെന്നീസ് ജോസഫ്
, തിങ്കള്‍, 10 മെയ് 2021 (22:12 IST)
മോഹന്‍ലാല്‍ സൂപ്പര്‍താര പരിവേഷം സ്വന്തമാക്കുന്നതും താരസിംഹാസനത്തില്‍ ഇരിപ്പുറപ്പിക്കുന്നതും 34 വര്‍ഷം മുന്‍പ് പുറത്തിറങ്ങിയ രാജാവിന്റെ മകനിലൂടെയാണ്. രാജാവിന്റെ മകന്‍ 35-ാം വര്‍ഷത്തിലേക്ക് എത്താന്‍ രണ്ട് മാസം കൂടി ശേഷിക്കെയാണ് സിനിമയുടെ തിരക്കഥാകൃത്ത് ഡെന്നീസ് ജോസഫ് വിടവാങ്ങിയിരിക്കുന്നത്.
വിന്‍സെന്റ് ഗോമസ് എന്ന കഥാപാത്രത്തെയാണ് മോഹന്‍ലാല്‍ രാജാവിന്റെ മകന്‍ എന്ന ചിത്രത്തില്‍ അവതരിപ്പിച്ചിരിക്കുന്നത്. ഈ കഥാപാത്രം ജനങ്ങള്‍ ഏറ്റെടുത്തു. മോഹന്‍ലാലിന് സൂപ്പര്‍സ്റ്റാര്‍ എന്ന വിശേഷണം ലഭിച്ചു. ചെറിയ വേഷങ്ങള്‍ മാത്രം ചെയ്തുകൊണ്ടിരുന്ന സമയത്ത് ആയിരുന്നു സുരേഷ് ഗോപിയും ഈ സിനിമയില്‍ എത്തിയത്. അദ്ദേഹത്തിന് ബ്രേക്ക് നല്‍കിയതും ഈ ചിത്രമാണ്. അംബികയുടെ ആന്‍സി എന്ന നായികാ കഥാപാത്രവും നടന്‍ രതീഷ് അവതരിപ്പിച്ച കൃഷ്ണദാസ് എന്ന മന്ത്രിയും ആരാധകരുടെ മനസ്സില്‍ ഇന്നും നിറഞ്ഞു നില്‍ക്കുന്നു.
മൂന്ന് വര്‍ഷം മുന്‍പാണ് ചിത്രത്തിന്റെ സംവിധായകന്‍ തമ്പി കണ്ണന്താനം ഈ ലോകത്തോട് വിട പറഞ്ഞത്. ഇപ്പോള്‍ തിരക്കഥാകൃത്ത് ഡെന്നീസ് ജോസഫും വിടവാങ്ങിയിരിക്കുന്നു. മമ്മൂട്ടിക്കായാണ് ഈ കഥാപാത്രം എഴുതിയതെന്ന് ഡെന്നീസ് ജോസഫ് നേരത്തെ ഒരു അഭിമുഖത്തില്‍ പറഞ്ഞിരുന്നു. അദ്ദേഹത്തിന്റെ ഡേറ്റ് ലഭിക്കാത്തതിനാലാണ് മോഹന്‍ലാല്‍ രാജാവിന്റെ മകനില്‍ എത്തിയത്.
Follow Webdunia malayalam
അടുത്ത ലേഖനം
